APR FC yatsinzwe na Zamalek SC muri CAF Champions League

APR FC yatsinzwe na Zamalek SC yo mu Misiri igitego 1-0 mu mukino ubanza w'ijonjora rya kabiri rya CAF Champions League wabereye kuri Stade Amahoro ku mugoroba wo kuri uyu wa Gatanu, tariki ya 16 Ukwakira 2026. APR FC yari imbere y’abafana yatangiye umukino n’imbaraga nyinshi isatira cyane izamu rya Zamalek SC ishaka igitego hakiri kare. Mu minota 15, iyi kipe y’Ingabo z’Igihugu yakomeje gusatira izamu rya Zamalek ishaka gutsinda igitego ariko ikagorwa no kumena urukuta rwayo, mu gihe iyi kipe yo mu Misiri na yo yanyuzagamo igasatira ariko ba rutahizamu bayo bakirangaraho. Mu minota 30, iyi kipe y’Ingabo z’Igihugu yakomeje gusatira harimo ishoti rikomeye ryatewe na Uwiyaremye Fidali, umupira ushyirwa muri koruneri itagize icyo itanga. Ku munota wa 45,…