AFC/M23 yatangije kumugaragaro ibikorwa byo kubaka umuhanda Sake-Masisi wa Km 56

Ihuriro AFC/M23 rirwanya ubutegetsi bwa Repubulika Iharanira Demokarasi ya Congo, RDC, kuri uyu wa Gatanu tariki 02 Gicurasi 2025 ryatangije kumugaragaro ibikorwa byo kubaka umuhanda ureshya na Kirometero 56 uhuza Santeri ya Sake na Masisi. Manzi Ngarambe Willly, Guverineri wungirije wa Kivu y’Amajyaruguru muri Teritwari ya Nyiragongo ushinzwe ibijyanye na politiki, ubuyobozi, n’amategeko yavuze ko iyubakwa ry'uyu muhanda ari igikorwa cy'amateka mu Ntara ya Kivu y'Amajyaruguru. Yagize ati: "Ihuriro AFC/M23 itangije kumugaragaro ibikorwa byo kubaka umuhanda Sake-Masisi. Ni icyiciro cy'ingenzi kiganisha ku mpinduka z'ibikorwa remezo muri Kivu y'Amajyaruguru n'abayituye." Visi Guverineri Manzi yavuze ko mu gihe cy'imyaka 10 iyi Ntara yari yaribagiranye kuko nta mihanda yubakiwe cyangwa ngo ihabwe serivisi z'ibanze. Ati: "Ihuriro ryacu ryumvise impuruza y'abaturage kandi twarabasubije, si…