Ingendo z’abanyeshuri zirakomeza no ku munsi w’umuganda rusange

  • NTAWITONDA JEAN CLAUDE
  • Nzeri 23, 2022
  • Hashize imyaka 2
Image

Kuri uyu wa Gatandatu, taliki ya 24 Nzeri 2022 abanyeshuri bemerewe gukora ingendo bagana ku ishuri mu masaha y’umuganda ndetse n’ibinyabiziga bibatwaye birakomorewe.

Ni mu rwego rwo korohereza abanyeshuri bafite ingendo zo kujya ku ishuri gutangira igihembwe cya mbere cy’amashuri mu mwaka wa 2022/2023.

Nk’uko byatangajwe na Minisiteri y’Ubutegetsi bw’Igihugu ingendo ku banyeshuri biteganyijwe ko bajya ku ishuri kuri uyu wa Gatandatu zirakorwa, harimo imodoka na moto bitwaye abanyeshuri ndetse  n’abantu bari muri icyo gikorwa.

Hakurikijwe ingengabihe y’ingendo yatangajwe na Minisiteri y’Uburezi kuri uyu wa Gatandatu hateganyijwe kujya ku ishuri abanyeshuri biga mu Turere twa Huye na Muhanga mu Ntara y’Amajyepfo, Rulindo na Gakenke mu Ntara y’Amajyaruguru,Karongi na Rutsiro mu Ntara y’Iburengerazuba n’Akarere ka Bugesera mu Ntara y’Iburasirazuba.

  • NTAWITONDA JEAN CLAUDE
  • Nzeri 23, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE