Ingabo z’u Rwanda muri UNMISS zambitswe imidali y’ishimwe

  • NTAWITONDA JEAN CLAUDE
  • Kanama 11, 2023
  • Hashize amezi 10
Image

Byari ibirori bibereye ijisho ubwo amatsinda y’abasirikare mu Ngabo z’u Rwanda (RDF) boherejwe mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS) zambikwaga imidali y’ishimwe muri Loni, bashimirwa umusanzu wabo ntagereranywa mu kubungabunga amahoro muri icyo gihugu.

Abambitswe imidali ni ababarizwa muri Batayo ya 3 (Rwanbatt-3) n’Itsinda ry’Ingabo z’u Rwanda rirwanira mu kirere (Aviation Unit 11/RAU 11), mu muhango wabereye mu Birindiro bya Gisirikare bya Durupi, i Juba mu Murwa Mukuru wa Sudani y’Epfo.

Mu ijambo rye, Umugaba wa Rwanbatt-3 Col Bertin Mukasa Cyubahiro, yashimye Guverinoma ya Sudani y’Epfo, Ingabo z’icyo Gihugu (SSPDF) ndetse n’abandi bafatanyabikorwa ku bufatanye bagaragarije Ingabo z’u Rwanda mu kugera ku nshingano zo kubungabunga umutekano w’abantu n’ibyabo nk’uko biri mu butumwa bwa UNMISS.

Ambasaderi w’u Rwanda muri Repubulika ya Sudani y’Epfo Joseph Rutabana, yashimiye umurimo ukomeye wakozwe na batayo zombi z’Ingabo z’u Rwanda mu gukomeza kubungabunga amahoro n’umutekano muri Sudani y’Epfo n’ahandi.

Umuyobozi w’Inzego z’Umutekano ziri mu butumwa bwa UNMISS akaba ari na we mushyitsi mukuru, Lt Gen Mohan Subramanian yashimye by’umwihariko batayo ya Rwanbatt-3 na RAU 11, ku musanzu udasanzwe mu kurushaho kubungabunga amahoro n’umutekano nubwo hari imbogamizi nyinshi bagiye bahura na zo.

  • NTAWITONDA JEAN CLAUDE
  • Kanama 11, 2023
  • Hashize amezi 10
TANGA IGITEKEREZO
TUYISENGE JeanBaptiste says:
Kanama 16, 2023 at 8:51 am

RDF yacu songa mbere ku isi yose ndabakunda bibayengombwa nange nabayoboka nubundi ndangije s6 uyumwaka.

Andika igitekerezo

AMATEGEKO AGENGA IYANDIKA RY'IGITEKEREZO CYAWE