Ukraine: Mariupol Abasivili bakomeje kwimurwa ku nshuro ya kabiri

Umunyamabanga Mukuru w’Umuryango w’Abibumbye António Guterres yatangaje ko muri Ukraine, mu mujyi wa Mariupol abasivile bakomeje kwimurwa kubera intambara hagati y’u Burusiya na Ukraine.

Mu kiganiro cyihariye yagiranye na RFI ku wa Gatatu taliki 4 Gicurasi 2022 nimugoroba yagize ati: “ Kwimuka kwa kabiri  birakomeje, imodoka ya kabiri y’Umuryango w’Abibumbye na CICR birimo kuvugana n’abasivili mu mujyi wa Mariupol.

Umunyamabanga mukuru w’umuryango w’Abibumbye, yongeyeho ati: “Izindi mpunzi ziri kwitegura”.

Muri iki kiganiro yagarutse ku mishyikirano itoroshye yagiranye na Vladimir Putin ku italiki ya 26 Mata i Moscow ati “Nongeye kumubwira ko ari ngombwa kwimura abasivili bari mu ruganda rwa Mariupol”.

Nyuma yo kungurana ibitekerezo kwacu, ibi byatumye Perezida Putin ansezeranya kureba kuri iki kibazo. Nyuma y’iminota mike, Minisitiri w’Ububanyi n’Amahanga yambwiye ko hari ibyo bumvikanyeho.

Ni gute n’Umunyamabanga Mukuru w’Umuryango w’Abibumbye adashobora guhagarika imirwano? António Guterres yasubije agira ati: “Ibi byerekana ko imbaraga z’Umunyamabanga Mukuru wa Loni ari nto cyane kuruta uko tubitekereza”, yongeyeho yeruye ati: “Ariko ntabwo nzava ku izima kandi sinzigera ntakaza ibyiringiro”.