Ubuhamya bwa Chris Eazy bugaruye Irene Murindahabi mu kazi

  • MUTETERAZINA SHIFAH
  • Werurwe 1, 2024
  • Hashize amezi 2
Image

Nyuma yo gusaba abakunzi be ko bamusengera, kuko atazi ubuzima bwe nyuma yo kubura umubyeyi we, Irene Murindahabi yahagaritse kujya mu kazi, kugeza igihe umuhanzi Chris Easy yamusuye ku rubuga rwe rwa Youtube, akamusaba ko bakora ikiganiro mu rwego rwo kumusubiza mu kazi.

Umuhanzi Christian Rukundo Nsengimana uzwi nka Chris Eazy, avuga ko kuva bava gutabara uyu munyamakuru, unareberera inyungu za bamwe mu bahanzi, yategereje ko abona ikiganiro yakoze ntakibone, bityo afata umwanya wo kujya kumwikurira mu rugo ngo bakore ikiganiro anamusubize mu kazi.

Uyu muhanzi uri mubakoze indirimbo Jugumila yari yakuwe ku rubuga rwa Youtube, iregwa kuba yari yaribwe, yabwiye Irene ko uko byagenda kose, agomba gukora kugira ngo ashimishe umubyeyi we.

Ati: ”Nizeye ijana ku ijana ko nzi ubuzima mwari mubanyemo n’umubyeyi, urukundo mwari mufitanye ndaruzi, ariko ndagira ngo utekereze iki kintu, niba ikintu yagukundiraga kurusha ibindi byose ari uko uri umukozi, none akazi kakaba kakunaniye, none se aho yibereye mu ijuru urumva arishima ate? Ni yo mpamvu naje kukureba.”

Yongeraho ati: ”Utekereza ko ibyqishimo na morale byawe bizagaruka ryari se? Tekereza ko igihe bizagarukira ugakora akazi ari bwo azishima, kandi ntekereza ibyishimo bye atari ikintu wakina na cyo n’umunota umwe, impamvu ndimo kukubwira ibi, uzi ko twatangiye gukora ikizamini cya Leta papa ari muri Moruge (Morgue) se?.”

Avuga ko atazi uko byagenze ariko icyo kizamini yaragitsinze yongeraho ko nta muntu Imana yemera ko hari ikimubaho atari bubashe kukinyuramo akagitsinda nkuko abisobanura.

Ati: “Sinzi ngo imbaraga nazikuye hehe, ariko naragiye nshiduka icyo kizamini ngitsinze, nakuyemo intwaro ngendana imfasha muri ubu buzima, ni uko Imana ubwayo kugira ngo yemere ko ikigeregezo cyikubaho, ni uko iba izi neza ko icyo kintu ugishoboye, kandi uri bugicemo neza. Tekereza abantu bakesha imibereho kuba wakoze, none se n’udakora bararokorwa na nde? Nta muganga wundi ufite uri bukuvure uretse akazi.”

Chriss Eazy yasabye Irene Murindahabi gusubira mu kazi, anasaba inshuti ze cyane cyane ibyamamare guhagarika kumusura mu rugo, ahubwo bakamusura mu kazi bagakora ibiganiro.

Yagize ati: ”Rero narabibonye gucika akazi n’ugucika amahoro, n’umuntu ugusura, umuntu wawe uri mu myidagaduro, umuhanzi cyangwa n’abandi, ntaze mu rugo ntaze kugusura hano nkuko turi kuganira, agende ariko azi neza ko agusuriye mu kazi, mu rugo iyo hari ibibazo ni ho ubona byinshi bikwibutsa, rero kujya mu kazi ni byo bizagufasha, naje mbaza nizanye, n’abandi nimuze mumusure mu kazi.”

Chriss Eazy yateye utwatsi amakuru amaze iminsi avugwa ko yagiye gusaba kwinjira mu nzu ifasha abahanzi ya 1:55AM.

Yagize ati: “Umuntu ajya gutigita ku kintu adafite, n’iyo najya gutigita najyana n’abanjye tukajya gutigita, wenda ngo ibikorwa bigende neza kurushaho, mu gihe hari icyo dukeneye tubona tudafite, ariko ntabwo nigeze njya gushaka Lebel (inzu zitunganya imiziki) kabisa, kuko ndayifite, hari abandi bahanzi badafite Lebel kandi bakora.”

Chris Eazy yasabye Murindahabi gusubira mu kazi nyuma y’icyumweru uyu munyamakuru asabye abamukunda kumusengera, kuko atumvaga ubuzima agiye kubamo nyuma yo kubura nyina umubyara, yitaga urukundo rwe.

  • MUTETERAZINA SHIFAH
  • Werurwe 1, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE