Tuzabana ryari cyangwa uzangira igikoresho cyawe- Zuchu abaza Diamond

  • MUTETERAZINA SHIFAH
  • Mata 17, 2024
  • Hashize ukwezi 1
Image

Umuhanzi Zuchu wo muri Tanzania yatunguye Diamond Platinumz bamaze igihe bakundana, amubaza ashize amanga niba bazashyingiranwa bakabana nk’umugore n’umugabo cyangwa niba azamugira igikoresho cye.

Nyuma y’igihe kirekire aba bombi bari mu rukundo, ibihe byabo byaranzwe n’ibyishimo ndetse n’amarira hamwe n’inkundura z’intambara ahanini zaterwaga na Zuchu wafuhiraga umukunzi we Diamond, kuri ubu akaba yatunguranye ateza amatsiko mu bafana ubwo yabazaga umukunzi we ku bijyanye n’ubukwe bwabo yifashishije indirimbo bakoranye yitwa Mtasubiri.

Ibi byabereye mu birori bya Pangani Kunono byabereye ku kibuga cya Pangani ku mugoroba wo ku wa 16 Mata, aho bombi bahuriye ku rubyiniro bakaririmbana indirimbo zitandukanye, ibintu byanyuze abitabiriye igitaramo, kubera uburyo baririmbanye bagaragaza amarangamutima y’urukundo ndetse hagaragaramo n’udukino turanga abakundana.

Mu gitaramo bahuriyemo, aba bombi bagendaga bahanahana amagambo babazanya ibibazo nk’uko bisanzwe muri iyi ndirimbo, ari naho Diamond yifashishije iyo ndirimo yabajije Zuchu niba azamubyarira.

Ubusanzwe muri iyo ndirimbo hari aho babazanya bati: Eti unanipenda mi (Mnmhn)? Unanitakapia?(Mnmhn),  Unaniamini (Mnmhn)? bishatse gusobanura ngo Ese urankunda? Uranshaka? Uranyizera? Tuzafatanya se kurwanya ibiturwanya?

Mu gihe baririmbaga muri iki gitaramo baririmbye iyi ndirimbo hanyuma Diamond ageze aho abaza Zuchu niba azamubarira.

Yagize ati: “Unanipenda mi, mmh, unanitaka pia, mmh, unaniamini, na utanizalia? bivuze ngo Urankunda, uranshaka, uranyizera uzanambyarira?”

Ubwo Zuchu yagerwagaho ntiyazuyaza kubyaza umusaruro ashize amanga uwo mwanya, kuko yamubajije igihe bazashyingiranwa.

Yagize ati: “Unanipenda mimi, unanitaka piaaaa … Utanioa lini? Ama unanitumia? bivuze ngo urankunda, uranshaka, Tuzashyingiranwa ryari cyangwa uzangira igikoresho cyawe gusa?”

Ni ikibazo byagaragaraga ko kitatunguye Zuchu ndetse gituma abakunzi babo bishima kurushaho, gusa ku ruhande rwa Diamond yasaga nk’utunguwe ariko kandi ashimishwa no kuba yahuriye na Zuchu ku rubyiniro byamuteye kugaragaza ibinezaneza mu maso.

Iki kibazo cyateye abakunzi babo guhanga amaso Diamond Platinumz ngo barebe uko ari bubyitwaremo kugeza igihe atagize icyo abivugaho, gusa akamwenyura bagakomeza kuririmba.

Zuchu yemeje ko yakundanye na Diamond mu Gushyingo 2022, akomeza kugaragaza kenshi ko akeneye ubukwe bwabo, ndetse akomeza gufasha umukunzi we kwita ku bana be.

Ibi bibaye mu gihe hashize igihe gito umubano wabo warajemo agatotsi, ku buryo mu bihe bishize havuzwe ko Diamond yari afitanye ubukwe n’undi mugore, hanyuma bukaza gupfa ku munota wa nyuma, ntihatangazwa icyabiteye.

  • MUTETERAZINA SHIFAH
  • Mata 17, 2024
  • Hashize ukwezi 1
TANGA IGITEKEREZO
Aisha says:
Mata 18, 2024 at 10:07 am

Dayamondi na Zuch nagatwiko baba barikunyuzaho kugirango bashimishe abafana.

Andika igitekerezo

AMATEGEKO AGENGA IYANDIKA RY'IGITEKEREZO CYAWE