Mu mazina y’abahanzi hafi 60 bazaririmba mu birori byo gutanga ‘Trace Awards’ bitegerejwe mu Mujyi wa Kigali tariki 21 Ukwakira 2023, hiyongereyeho D’Banj n’umunyamideli Maria Borges bazayobora ibirori bya Trace Awards.
Abategura Trace Festival batangaje ko abana bari munsi y’imyaka 18 bazinjirira 2500 Frw buri munsi, mu gihe abakuru bazajya binjirira 5000 Frw.
Ni ibirori bizajya bitangira saa kumi z’umugoroba kugeza Saa Mbiri guhera tariki 20-22 Ukwakira 2023.
D’Banj afite izina rikomeye mu muziki wa Afurika ni cyo kimwe n’umunyamideli Maria Borges uri mu bakomeye mu gihugu cya Angola.
Hazatangwa ibihembo birimo guhatanamo abahanzi bo muri Afurika, Amerika y’Amajyepfo, Ibirwa bya Caraïbes, u Burayi n’ibindi bikora ku Nyanja y’Abahinde.
Aba bahanzi barimo abo muri Algérie, Angola, Brésil, Cameroun, Cap-Vert, Comores, Repubulika Iharanira Demokarasi ya Congo, u Bufaransa, Guyane Française, Gabon, Ghana, Guadeloupe, Haiti, Côte d’Ivoire, Jamaica, Kenya, Madagascar, Martinique, Mayotte, Ile Maurice, Maroc, Mozambique, Nigeria, Reunion, Rwanda, Sénégal, Afurika y’Epfo, Eswatini, Tanzania, Tunisia, Ubwami bw’u Bwongereza na Uganda.
Abahanzi bakomeye muri Afurika barimo Abanya-Nigeria Yemi Alade, Fireboy DML, Olamide, BNXN na Chriss Eazy wo mu Rwanda, bari mu bahanzi bazaririmba mu birori bya Trace Awards and Festival bitegerejwe mu Rwanda.
Uretse aba bahanzi kuri uru rutonde harimo Abanya-Uganda nka Azawi, Levixone na Ghetto Kids bamamaye mu kubyina. Hari kandi Umunya-Cape Vert, Danni Gato, Segael wo muri Reunion, Donovan BTS wa île Maurice na Emma’a wo muri Gabon.
KAYITARE JEAN PAUL
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE