Sudani y’Epfo: Abaturage bishimiye kuvurwa n’Ingabo z’u Rwanda

  • NTAWITONDA JEAN CLAUDE
  • Werurwe 17, 2022
  • Hashize imyaka 2
Image

Abaturage bo mu gace ka Gorom Payam basigaye birahira umutima utabara n’ubugwaneza biranga abasirikare bo mu Ngabo z’u Rwanda (RDF) bari mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS) nyuma yo kubaha serivisi z’ubuvuzi bw’indwara zitandukanye.

Ku wa Gatatu taliki ya 16 Werurwe 2022 ni bwo itsinda ry’abasirikare bo mu ngabo z’u Rwanda Rwanbatt3 ribarizwa muri UNMISS ryakoze urugendo rwo gucunga umutekano rw’ibilometero 13 rivuye ku birindiro biherereye ahitwa Durupi mu Mujyi wa Juba.

Urwo rugendo rwasorejwe ahitwa Gorom Payam aho ingabo z’u Rwanda zahuye n’abatuye muri ako gace zigatangira kubasuzuma no kubavura indwara zitandukanye.

Abaturage bahawe serivisi zo gusuzumwa no kuvurwa umuvuduko w’amaraso, indwara z’amaso, indwara zo mu nda, komora ibisebe n’izindi zitandukanye.

Ababarirwa mu 180 biganjemo abagore n’abana ni bo bahawe serivisi z’ubuvuzi bw’indwara zinyuranye usanga zigaragara cyane mu baturage bo muri ako gace.

Abaturage bo muri ako gace bashimye byimazeyo Ingabo z’u Rwanda ziri mu butumwa bw’Umuryango w’Abibumbye bwo kubungabunga amahoro muri Sudani y’Epfo, bongereye ku nshingano zabo zitoroshye kwita ku baturage no kubungabunga amagara yabo.

Umuyobozi wungirije w’itsinda Rwanbatt3 Lt Col Alex Nkuranga, na we yashimye abaturage bo mu gace ka Gorom Payam n’abayobozi babo ku bw’ubufatanye buzira amakemwa bagaragarije ingabo z’u Rwanda.

  • NTAWITONDA JEAN CLAUDE
  • Werurwe 17, 2022
  • Hashize imyaka 2
TANGA IGITEKEREZO
Antoine Rudasigwa says:
Werurwe 17, 2022 at 1:55 pm

Ngabo z’Urwanda, mu budasa bwanyu, muhesha ishema igihugu cyanyu n’abanyarwanda muli rusange, muragahorana Imana, ubuhanga n’butwali byararanze kuva mukibaho.
Kubona ibintu mukora, uretse kubungabunga amahoro y’abo mushinzwe mugerageza no kubababonera ibyangombwa byose bikenewe kugirango bamererwe neza, ali amazi, ali umuliro, ali ubuvuzi, n’ibindi byinshi.
Mu ngabo z’ibihugu byose ku isi, nta nahamwe wasanga ingabo zishishikajwe no gushaka imibereho myiza
y’abaturage! Zigerageza kugarura amahoro aho atali, nabwo iyo zibishoboye, bikagarukira aho. Naho mwe Ngabo
z’Urwanda, murangwa n’ubumuntu butaba ahandi! Aho babona umusilikare bakiruka bamuhunga,
mwe biruka babasanga! Baba bazi ko alibo mwaje kulindira umutekano. Iyo myitwalire yanyu, n’ubwo
itavugwa mu bunyamateka by’isi yose, twe turabimenya kandi tuzi ko muyikura k’Umutoza mukuru, aliwe Mugaba
w’ikirenga w’ingabo z’Urwanda, Nyakugirubutangwa Paul Kagame. Mukomeze muheshe ishema n’agaciro Urwababyaye maze isi yose rebereho. Harakabaho Ingabo z’Urwanda, harakabaho Umugaba mukuru w’ikirenga, HE Paul Kagame, harakabaho Urwanda n’abanyarwanda barukunda bakanarwubaka.

Antoine Rudasigwa says:
Werurwe 17, 2022 at 2:01 pm

Ngabo z’Urwanda, mu budasa bwanyu, muhesha ishema igihugu cyanyu n’abanyarwanda muli rusange, muragahorana Imana, ubuhanga n’ubutwali byabaranze kuva mukibaho.
Kubona ibintu mukora, uretse kubungabunga amahoro y’abo mushinzwe mugerageza no kubababonera ibyangombwa byose bikenewe kugirango bamererwe neza, ali amazi, ali umuliro, ali ubuvuzi, n’ibindi byinshi.
Mu ngabo z’ibihugu byose ku isi, nta nahamwe wasanga ingabo zishishikajwe no gushakira imibereho myiza
abaturage! Zigerageza kugarura amahoro aho atali, nabwo iyo zibishoboye, bikagarukira aho! Naho mwe Ngabo
z’Urwanda, murangwa n’ubumuntu butaba ahandi! Aho babona umusilikare bakiruka bamuhunga,
mwe biruka babasanga! Baba bazi ko alibo mwaje kulindira umutekano. Iyo myitwalire yanyu isobanutse, n’ubwo
itavugwa mu binyamateka by’isi yose ngo babarate uko byali bikwiye, twe turabimenya kandi tuzi ko muyikura k’Umutoza mukuru, aliwe Mugaba
w’ikirenga w’ingabo z’Urwanda, Nyakugirubutangwa Paul Kagame. Mukomeze muheshe ishema n’agaciro Urwababyaye maze isi yose irebereho. Harakabaho Ingabo z’Urwanda, harakabaho Umugaba mukuru w’ikirenga, HE Paul Kagame, harakabaho Urwanda n’abanyarwanda barukunda bakanarwubaka.

Andika igitekerezo

AMATEGEKO AGENGA IYANDIKA RY'IGITEKEREZO CYAWE