Sam Overmix wamenyekanye mu ndirimbo ‘Kiradodora’ yitabye Imana

Umuhanzi Sam Overmix ukomoka mu gihugu cy’u Burundi wamenyekanye mu ndirimbo ‘Kiradodora’ yakuzwe cyane mu myaka ishize yaba mu Rwanda n’i Burundi, yitabye Imana azize uburwayi nk’uko umuryango we wabyemeje.

Inkuru y’urupfu rw’uyu muhanzi wakanyujijeho mu mukizi wo mu Karere ka Afurika y’Iburasirazuba, yamenyekanye kuri iki cyumweru 19 Ugushyingo 2023, bivugwa ko yitabye Imana kuwa Gatandatutariki 18 Ugushyingo 2023.

Ni amakuru yemejwe n’umubyeyi we wavuze ko umuhungu we yitabye Imana azize uburwayi.

Bamwe mu nshuti z’uyu muhanzi batanze amakuru ku rupfu rwe bahishuye ko yari amaze amezi abiri arwaye.

Uyu muhanzi w’Umurundi, yari asanzwe aririmba mu tubari ibyo benshi bita ‘Karaoke’ yitabye Imana afite abana batandatu icyakora nta mugore bari bakibana.

Inkuru y’urupfu rw’uyu muhanzi yaje ikurikira indi yundi muhanzikazi witwa Miss Erica nawe witabye Imana ku wa Gatandatu tariki18 Ugushyingo 2023.

SHEMA IVAN