Perezida w’u Bufaransa Macron yahaye icyubahiro Perezida wa UAE wapfuye

  • NTAWITONDA JEAN CLAUDE
  • Gicurasi 15, 2022
  • Hashize imyaka 2
Image

Abayobozi batandukanye ku Isi barimo Perezida w’Ubufaransa Emmanuel Macron bakomeje kujya muri Leta zunze ubumwe z’Abarabu (UAE) bakurikinye kugira ngo bunamire Perezida Sheikh Khalifa bin Zayed Al-Nahyan wapfuye ku wa Gatanu ushize afite imyaka 73.

Perezida Marcon urugendo rwe i Abu Dhabi, yarugize uyu munsi ku wa 15 Gicurasi 2022. Ni we muyobozi wa mbere w’Iburengerazuba wagiye i Abu Dhabi yifatanya mu kababaro n’abaturage bo muri Emirates”.

Kuri iki cyumweru mu gitondo, Emmanuel Macron yaganiriye na Mohamed ben Zayed, bakunze kwita “MBZ”, akaba ari we Perezida mushya w’iyi Federasiyo igizwe na Emirates zirindwi asimbuye murumuna we, Sheikh Khalifa bin Zayed Al-Nahyan, watangajwe ko yapfuye ku wa Gatanu ushize.

Uru ruzinduko yagiriye mu Murwa mukuru wa Emirates ruhamya umubano wa hafi uri hagati ya Paris n’Ubwami bw’Ikigobe ndetse no hagati y’abayobozi bombi. Muri manda y’imyaka itanu ya mbere ya Perezida w’Ubufaransa, Abu Dhabi yabaye umufatanyabikorwa w’u Bufaransa muri kariya karere, cyane cyane ku bijyanye n’umuco n’uburere.

Ariko nanone kandi cyane cyane mu bijyanye n’Urwego rwa gisirikare kubera ko  u Bufaransa bufite ibirindiro by’amazi muri iki gihugu.

Mu Kuboza k’umwaka ushize, Emmanuel Macron nawe yasuye i Emirates. Muri urwo ruzinduko, uruganda rukora indege rwo mu Bufaransa rwitwa Dassault rwasinyanye amasezerano ya gisirikare manini mu mateka yarwo. Akubiyemo Indege z’intambara za Rafale zigera kuri 80 zagurishijwe muri Emirates amafaranga angana na miliyari 16 z’amayero.

  • NTAWITONDA JEAN CLAUDE
  • Gicurasi 15, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE