OMS: 1400 bafashwe n’ubushita bw’inguge mu bihugu 7 by’Afurika

  • NTAWITONDA JEAN CLAUDE
  • Kamena 3, 2022
  • Hashize imyaka 2
Image

OMS yatangaje ko ibihugu birindwi birimo ubushita ari byo Cameroon, Repubulika ya Santarafurika, Repubulika Iharanira Demokarasi ya Congo (RDC), Liberia, Nigeria, Congo na Sierra Leone.

Muri rusange, ku wa Kabiri taliki 2 Kamena hari abantu 1,392 bakekwaho ko ari bo banduye naho 44 bemejwe. Iyi mibare ijyanye n’isuzuma ryakozwe kuva mu ntangiriro z’umwaka kugeza hagati muri Gicurasi, kandi zishingiye kuri raporo ibanza.

Abantu bagaragayeho ubwandu akaba ari abo muri Cameroon, Central African Republic (CAR), Repubulika Iharanira Demokarasi ya Congo (DRC), Liberia, Nigeria, Repubulika ya Congo na Sierra Leone.

Umubare w’abagaragayeho ubwandu wavuzwe mu 2022 uri munsi ya kimwe cya kabiri w’abagaragayeho ubwandu mu 2021.

Ubushita bw’inguge (Monkeypox) ni virusi idasanzwe isa n’indwara y’ibihara, yagaragaye bwa mbere muri Repubulika Iharanira Demokarasi ya Congo mu myaka ya za 1970 nk’uko byemezwa na OMS.

Icyakora, iyi virusi yanduza abantu iturutse ku nyamaswa, yavumbuwe bwa mbere mu 1958 mu itsinda ry’inkende (monkey) ibyo byakorewe muri laboratwari hagamijwe ubushakashatsi, ni yo nkomoko y’izina ryayo.

Ubusanzwe, indwara z’inyamaswa zibanziriza iz’abantu. Kuva icyo gihe, Minta yashyizwe mu gace k’ahantu hashobora guteza akaga, hamwe n’umupaka wa Belabo na Diang. Ubushita bw’inguge (Monkeypox) buboneka muri Afurika y’ubushyuhe (ahiganje amashyamba yo muri Afurika yo hagati n’iy’uburengerazuba).

Muri uyu mwaka ni bwo iyo ndwara yatahuwe mu bantu batari ku mugabane w’Afurika ndetse batanigeze bagera kuri uyu mugabane.

Ijwi ry’Amerika ryatangaje ko ibihugu birimo u Bwongereza, Portugal, Esipanye (Spain), Italy, Ubuswisi (Switzerland), Leta Zunze Ubumwe z’Amerika, Isiraheli na Australia hamaze kuboneka abanduye iyo ndwara basaga 500 ariko nta mfu zirababonekamo.

  • NTAWITONDA JEAN CLAUDE
  • Kamena 3, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE