Nyuma y’imyaka 2 yakiriye agakiza, Meddy yasohoye indirimbo ihimbaza Imana

  • SHEMA IVAN
  • Mutarama 16, 2024
  • Hashize amezi 4
Image

Nyuma y’umwaka, umuhanzi Meddy yongeye gusohora indirimbo nshya yise ‘Niyo Ndirimbo’ yakoranye na Adrien Misigaro iyi ikaba imwe mu zo amaze igihe akoraho zo kuramya no guhimbaza Imana.

Muri iyi ndirimbo, Meddy agira ati “Uko urushaho kunyigisha niko nanjye ngenda nkubahisha. Nasanze hari iryo banga ryo kugendera mu nzira zawe. Nkoresha ibyo ushaka gusa bimpa amahoro n’umunezero. Sinabasha kubaho ntakureba kujya kure yawe niko kuyoba.”

Muri iyi ndirimbo kandi Meddy aba ahamya ko Yesu yahinduye ubuzima bwe, ati “Uko wansanze ni ko wankunze […] amaso yanjye yabonye ubwiza bwawe, ni yo ndirimbo yanjye.”

‘Niyo ndirimbo’ ni indirimbo Meddy asohoye nyuma y’igihe atangaje ko yahinduye ubuzima kuri ubu akaba yarinjiye mu muziki wo kuramya no guhimbaza Imana akava mu muziki usanzwe.

Inshuti za hafi za Meddy zihamya ko uyu muhanzi yamaze kwakira Yesu nk’umwami n’umukiza, amaramaza mu gakiza ku buryo kuri ubu bigoye kumubwira ngo agire ubundi bwoko bw’umuziki akora utari uwo kuramya no guhimbaza Imana.

Andi makuru avugwa ni uko uyu muhanzi amaze iminsi akora umushinga wa Album yitegura gusohora igizwe n’indirimbo zo kuramya no guhimbaza Imana.

Iyi ndirimbo nshya ya Meddy na Adrien Misigaro mu buryo bw’amajwi yakozwe n’uwitwa Yannick mu gihe amashusho yayo yo yafashwe n’uwitwa Cedric.

Meddy yaherukaga gushyira hanze indirimbo tariki 14 Mutarama 2023 yitwa ‘Grateful

Meddy na Adrien Misigaro
  • SHEMA IVAN
  • Mutarama 16, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE