Nkusi Arthur yibiye Fally Merci ibanga ryo gutera imbere

  • MUTETERAZINA SHIFAH
  • Werurwe 25, 2024
  • Hashize ibyumweru 3
Image

Ubwo yitabiraga igitaramo cyo kwizihiza isabukuru y’imyaka ibiri Gen z Comedy imaze ishinzwe, cyabaye tariki 21 Werurwe 2024, Nkusi Urthur yibiye ibanga Ndaruhutse Fally Merci, ryuko yarushaho gutera imbere.

Ubwo bari bageze mu mwanya wa ‘Meet Me Tonight, Arthur yabwiye Merci ko kugira ngo arusheho gutera imbere yashaka umugore.

Muri ako gace ka Meet Me Tonight, Fally Merci yari yahisemo gutumira Urthur Nkusi, mu gihe yari ageze ku rubyiniro Merci yasabye abantu bose guhaguruka bakamufasha kumwakirira uyu mugabo, avuga ko ari we wamubonyemo impano yo gusetsa ku nshuro ya mbere.

Mu byo yamubajije yagarutse ku ishusho Arthur abonamo urwenya rwo mu Rwanda.

Mu kumusubiza yagize ati” Ndatekereza ko guhera uyu munsi twemeranya y’uko Merci ari umunyarwenya mwiza kandi ushoboye gutegura neza ibirori, umushoramari mwiza ikintu ubu ngubu ubura ni umugore.”

Yongeyeho ati “Ndavugisha ukuri abagore ni abahanga, ibi ukora uri umusiribateri ubaye warashatse iriya Stade (Amahoro Stadium) ni wowe yaba yubakiwe.”

Athur yavuze ko Merci yakoze ibyo benshi bananiwe, kuko mu mateka batigeze babona Abanyarwanda benshi baje kureba Abanyarwanda b’abanyarwenya, kuko byasabaga kuzana abanyamahanga.

Ati ”Nishimiye kuba ndi aha hantu, birashimishije kuba ukoze ibyo urwego rw’ubuhanzi rwananiwe, mvugishije ukuri byari byaratunaniye kuzana abanyarwanda baje kureba abanyarwanda b’abanyarwenya, kuko icya mbere kwari ukubanza kubakundisha urwenya, habanza gukoreshwa inzira yo kuzana abanyamahanga, ubu ikibazo kwari ukuzana Abanyarwanda bareba Abanyarwanda none arabishoboye.”

Uyu munyarwenya ufatwa nk’umwe mu bagize uruhare runini mu kumenyekanisha urwenya no kurukundisha Abanyarwanda, yongeyeho ko kuri iyi nshuro yishimiye ko abonye urubyiniro yajya akoreraho.

Ati: ” Ndanezerewe mu buryo bwose bushoboka, kuko bwa mbere mu buzima nanjye mbonye urubuga najya nkoreraho urwenya, mushobora kutabyumva kuko mwavuga ngo mfite Seka live, buriya hari benshi muri buve hano muvuga ko Merci atateye urwenya, kubera ko ari we watumiye, iyo watumiye utera urwenya rumwe ebyiri ukavaho, buriya Merci ntabwo atera urwenya yisanzuye kugeza ubwo atumiwe muri Seka Live, nanjye rero nishimiye ko mbonye aho nzajya ntumirwa ngatera urwenya.”

Uyu munyarwenya Arthur Nkusi yaboneyeho umwanya wo kugeza ku bari bitabiriye igitaramo cyo kwizihiza isabukuru y’imyaka ibiri, ibitaramo by’urwenya bya GEN-Z Comedy bimaze igihe biba, ko we n’umufasha we bari kwitegura kwibaruka imfura yabo.

  • MUTETERAZINA SHIFAH
  • Werurwe 25, 2024
  • Hashize ibyumweru 3
TANGA IGITEKEREZO
NeuroTest reviews says:
Werurwe 26, 2024 at 2:48 am

Feel free to let me know if you need further assistance or if there’s anything else you’d like to add or modify!

Andika igitekerezo

AMATEGEKO AGENGA IYANDIKA RY'IGITEKEREZO CYAWE