Mushimiyimana Pascal wari umukinnyi wa Special Olympics yapfiriye mu irushanwa

Mushimiyimana Pascal wari umukinnyi wa Special Olympics yapfiriye mu irushanwa

Umukinnyi w’Umunyarwanda Mushimiyimana Pascal, umwe mu bakinnyi batandatu bahagarariye u Rwanda mu mikino mpuzamahanga yo ku mucanga yahuje abafite ubumuga bwo mu mutwe ya “Special Olympics Caribbean Regional Beach Games 2026”, muri Jamaica, yitabye Imana azize kurohama.

Iyi nkuru y’akababaro yemejwe n’Umuryango Special Olympics Rwanda wita ku bafite ubumuga bwo mu mutwe binyuze mu itangazo ryashyizwe hanze kuri uyu wa Gatandatu, tariki ya 21 Ugushyingo 2026. Rigira riti: Ishyirahamwe ry’imikino ya Special Olympics mu Rwanda ribabajwe no gutangaza inkuru y’urupfu rw’umukinnyi Pascal Mushimiyimana witabye Imana nyuma yo kurohama ku wa 20 Ugushyingo 2026, i Montego Bay muri Jamaica. Ni umwe mu bakinnyi bari bahagarariye u Rwanda mu mikino ya Special Olympics yahaberaga.”

Ryakomeje rigira riti: “Twihanganishije umuryango we, inshuti ze, ikipe ye ndetse n’umuryango mugari wa Special Olympics muri ibi bihe bikomeye by’akababaro. Iperereza no kunoza uburyo umubiri we ugezwa mu Rwanda, birakurikiranwa n’inzego zibishinzwe.”

Mushimiyimana yagize ikibazo ubwo yari mu irushanwa ryo koga metero 750 mu mazi magari ryaberaga kuri Harmony Beach Park. Ikinyamakuru Jamaica Gleaner cyatangaje ko byabaye ahagana saa tatu n’igice za mu gitondo zo muri Jamaica, nyuma y’iminota mike irushanwa ritangiye.

U Rwanda rwitabiriye iri rushanwa mu mikino ibiri irimo Bocce ikinirwa ku mucanga no koga mu mazi magari ku ntera ya metero 750. Itsinda ry’u Rwanda ryagiye muri Jamaica rigizwe n’abantu 12, barimo abakinnyi batandatu, abatoza babiri, umuganga n’abayobozi batatu.

Mushimiyimana Pascal wari umukinnyi wa Special Olympics yapfiriye mu irushanwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nyagatare: Abiga mu mashuri yisumbuye biyemeje guca ukubiri n’ibiyobyabwenge 21 Ugushyingo 2026 Saa 15:47
  2. Uwayezu François Régis yagizwe Umuyobozi Mukuru wa BK Arena 21 Ugushyingo 2026 Saa 14:28
  3. Bruce Melodie yahawe Gold Play Button ya YouTube kubera kuzuza abamukurikira miliyoni 1 21 Ugushyingo 2026 Saa 11:45
  4. Amikoro make akomeje kudindiza imishinga ya ba rwiyemezamirimo bato 21 Ugushyingo 2026 Saa 07:04
  5. Hatangajwe inzira za Tour du Rwanda 2027 ifite umwihariko udasanzwe 20 Ugushyingo 2026 Saa 22:14