Bruce Melodie yahawe Gold Play Button ya YouTube kubera kuzuza abamukurikira miliyoni 1

Bruce Melodie yahawe Gold Play Button ya YouTube kubera kuzuza abamukurikira miliyoni 1

Umuhanzi Itahiwacu Bruce uzwi nka Bruce Melodie, yashyikirijwe igihembo cya Gold Play Button gitangwa na YouTube, nyuma yo kugeza ku bantu miliyoni imwe bamukurikira kuri uru rubuga, bikaba indi ntambwe mu rugendo rwe rw’umuziki.

Gold Play Button ni igihembo YouTube iha ba nyiri imiyoboro (Channels) bagejeje ku mubare w’abiyandikishije kuri yo (Subscribers) miliyoni imwe. Ni kimwe mu bihembo uru rubuga rutanga mu rwego rwo gushimira no guha agaciro abaremye ibikubiyemo bibasha gukurura no kubaka umuryango mugari w’ababikurikira.

Iki gihembo kigaragaza ko umuyoboro w’uwagihawe wageze ku mubare w’abawiyandikishijeho miliyoni imwe, kikaba ikimenyetso cy’iterambere ryawo n’uburyo ibikorwa bishyirwaho bikomeje kugera ku bantu benshi.

Bruce Melodie yishimiye iyi ntambwe, ayisangiza abamukurikira ku rubuga rwa X, aho yanditse ati: “Intego imwe, shene imwe, abiyandikishije kuri yo miliyoni imwe! Nishimiye guhabwa Gold Play Button ya YouTube. Iki gihembo ni icyanyu, kandi ni intangiriro y’izindi ntambwe zikomeye ziri imbere!”

Uyu muhanzi yari yujuje miliyoni imwe y’abamukurikira kuri YouTube muri Gicurasi 2026, aba umuhanzi wa gatatu w’umunyarwanda uririmba ku giti cye ugeze kuri uwo mubare, nyuma ya Meddy na Israel Mbonyi.

Iki gihembo akigezeho mu gihe akomeje ibikorwa bye by’umuziki, aho muri Nzeri 2026 yashyize hanze indirimbo nshya yise Irya 4, mu rwego rwo gukomeza kugeza ibihangano bye ku bakunzi be.

Mu butumwa bwe, Bruce Melodie yanibukije abakunzi be ko ateganya kubataramira muri Zambia, mu gitaramo Bwiza azamurikiramo Album ye, agira ati: “Zambia, tuzahurireyo vuba!”

Yanavuze ko hari ikindi kintu kidasanzwe ateganya kugeza ku bakunzi be, abasaba gukomeza kumukurikira, nubwo atigeze atangaza icyo ari cyo.

Bruce Melodie yahawe igihembo cy’abafite ababakurikira muri YouTube bangana na Miliyoni
Bruce Melodie yakiriye Gold Play Button mu gihe ateganya gutaramira muri Zambia
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Amikoro make akomeje kudindiza imishinga ya ba rwiyemezamirimo bato 21 Ugushyingo 2026 Saa 07:04
  2. Hatangajwe inzira za Tour du Rwanda 2027 ifite umwihariko udasanzwe 20 Ugushyingo 2026 Saa 22:14
  3. Abafite imishinga myiza bahanganiye ibihembo bya Africa’s Business Heroes 20 Ugushyingo 2026 Saa 18:08
  4. Huye: Ibikorwa remezo by’imyidagaduro byafunguriye urubyiruko amahirwe i Mbazi 20 Ugushyingo 2026 Saa 17:04
  5. Afurika y’Epfo: Abagore hafi 600 bishwe mu mezi atatu gusa 20 Ugushyingo 2026 Saa 16:53