Kicukiro: DASSO yagaragaje ibikorwa byayo birimo kurwanya akajagari

  • NTAWITONDA JEAN CLAUDE
  • Mata 6, 2022
  • Hashize imyaka 2
Image

Niragire Samuel Umuhuzabikorwa w’Urwego rwunganira Akarere mu gucunga umutekano (DASSO) mu karere ka Kicukiro mu Mujyi wa Kigali, atangaza ko uru rwego rufite inshingano zo kubungabunga umutekano w’abantu n’ibintu no kugira uruhare mu iterambere ry’Umunyarwanda.

DASSO ikora ibikorwa (Operations) byo kurwanya ubucuruzi bw’akajagari, Niragire akaba ashimangira ko DASSO ikora ibikorwa byo gufata abakekwaho ubujura, abajura ruharwa n’abana b’inzererezi.

Inagira uruhare mu kurwanya ibiyobyabwenge; nk’inzoga z’inkorano, urumogi n’ibindi. Hakorwa ibikorwa byo kurwanya imyubakire y’akajagari.

Gukurikirana amakuru ku biza no kugenzura ahantu hashobora kubera ibiza nko mu manegeka.

Niragire yabwiye Imvaho Nshya ko DASSO yo mu karere ka Kicukiro yatanze umuganda mu bikorwa bifitiye igihugu akamaro.

Yagize ati: “Hasibuwe imirongo igaragaza imbago z’umuhanda, aho abanyamaguru bambukira n’imirongo y’aho ibinyabiziga biparika muri parikingi y’Akarere. Imirongo yasibuwe ireshya n’ibirometero 7 bifite agaciro ka 12,589,500 FRW”.

Avuga ko bagira uruhare mu kurengera umuryango by’umwihariko umwana. Ati: “Abakozi b’urwego rwa DASSO twatanze ibikoresho by’ishuri birimo impuzangano, amakayi, n’ibindi.

Abana b’inzererezi 44 twabakuye mu muhanda basubizwa ku ishuri. Byose byatwaye amafaranga angana na 500,000 FRW”.

Abakozi b’urwego rwa DASSO bubakiye inzu umuturage utishoboye y’agaciro ka 4,500,000 FRW, banamugenera ibiribwa bizamutunga mu gihe akisuganya ngo abone icyo akora kirambye.

Abakozi b’urwego rwa DASSO bahaye igishoro abari abazunguzayi 20 banashakirwa aho bakorera.

Buri muzunguzayi yagenewe igishoro kingana n’amafaranga 50.000 Frw bose hamwe bahabwa 1.000.000 FRW.

Ubwitange bw’Abakozi b’Urwego rwa DASSO mu mezi icyenda 2021-2022, bungana na miliyoni 6.

Ubuyobozi bwa DASSO muri Kicukiro bwagaragaje ibyo uru rwego rukora
Ubuyobozi bwa DASSO bwashimiwe ibikorwa bukora mu karere ka Kicukiro
  • NTAWITONDA JEAN CLAUDE
  • Mata 6, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE