Kareh B yamaganye abamubyina ku mubyimba nyuma y’urupfu rw’umwana we

  • MUTETERAZINA SHIFAH
  • Mata 18, 2024
  • Hashize ukwezi 1
Image

Umuhanzi w’Umunyakenya ukunzwe mu ndirimbo z’Igikuyu uzwi nka Kareh B, yamaganye abantu batagira ikinyabupfura bagerageje kumuhamagara nyuma y’urupfu rw’umuhungu we uherutse kwitaba Imana azize impanuka y’imodoka, bamubwira ko umuhungu we hari abo yambuye.

Ngo yibaza impamvu abantu batigeze bamuhamagara na kera bamubwira amagambo mabi ku mwana we ndetse n’abitwaza izina rye, bakamubeshya byinshi mu masezerano yaba yari afitanye na bo n’ibindi byinshi.

Kareh B yifashishije imbuga nkoranyambaga yibajije impamvu abantu bitwaza ibihe by’akababaro umuntu aba arimo bakaboneraho kumukoresha no kumushungera.

Ati: “Kuki abantu bifashisha ibibazo by’abantu? Kuki wumva y’uko wampamagara ngo umbwire ibintu byinshi ku muntu wigendeye? biteye ubwoba, kuki mufatirana umuntu? Biragayitse, bitera umujinya kandi bisaba ko hafatwa ingamba ku bakoresha ibyago byabaye ku bandi, ku nyungu zabo bwite.”

Ibi bibaye nyuma y’icyumweru kimwe gusa uyu muhanzi ashyinguye Yozefu umuhungu we, wari ufite imyaka 17 y’amavuko.

Uyu mubyeyi yakunze kugaragariza inshuti ze n’abamukurikira ku mbuga nkoranyambaga ze, ibihe bitoroshye ari kunyuramo nyuma y’urupfu rw’umuhungu we.

Ubwo yamaraga kwandika no kunenga abantu batagira umutima, byakiriwe na benshi mu bamukurikira, na bo bagaragaza ibitekerezo byamagana ibyo bikorwa.

Uwitwa Faith Marette yagize ati: “Abantu nta mutima bafite, Ntubatindeho, amahoro y’Imana abane nawe.”

Kimani KD na we yungamo ati:  “Ni ukubura ubumuntu dufite muri iyi minsi, ariko nibura nkunze ko umwenyura muri iyi minsi, ndizera ko Imana ishobora kuguha umunezero.” Kamau Muthoni

Mary we yagize ati: “Abantu baragukoresha iyo bamenye ko ufite intege nke, ariko Imana irayobora, ube maso.”

[…] byambayeho mu gihe cyo gukusanya inkunga yo kwishyura ibitaro, maze umuntu yiyitiriye umuganga arambwira ngo nishyure ibintu bimwe na bimwe byagurwa hanze y’ibitaro, kuko bitabonetse muri ibyo bitaro.”

Umuhungu wa KarehB, Joe Mwadulo, yapfuye ubwo  yari mu modoka ya kompanyi yitwa  Coach Easy, yakoreye impanuka hafi y’umuhanda wa Kisumu Mwanduko, ubwo yari avuye ku ishuri ryisumbuye rya Chavakali, aho yigaga, akaba ari nawe wenyine wahitanywe n’iyo mpanuka.

Ubwo yashyinguraga umuhungu we, Kareh B yavuze ko yari afite inzozi zo gutwara indege (umupiloti).

  • MUTETERAZINA SHIFAH
  • Mata 18, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE