Isimbi Model yagaragaraje amarangamutima ku isabukuru y’umugabo we

  • NYIRANEZA JUDITH
  • Mata 23, 2024
  • Hashize ibyumweru 4
Image

Umunyamidelikazi akaba n’umushabitsi Isimbi Vestine uzwi nka Isimbi Model yagaragaje amarangamutima ku isabukuru y’umugabo we Shaul Hatzir, ashima Imana ko yamumuremeye ikamutunganya.

Yifashishije imbuga nkoranyambaga ze Isimbi Model yanditse ashimira Imana ku isabukuru y’umugabo we wagize isabukuru ku itariki 23 Mata 2024.

Nyuma yo gushyiraho ifoto y’umugabo we, yifashishije amagambo ari mu gitero cya mbere cy’indirimbo ya Bahati ELie na Fabrice bise Uko ni ko ngusabira, amutura amwe mu magambo ayigize.

Iyo ndirimbo igira iti “Umva uko ngusabira nsenga nsaba Imana, kukuzuza amahoro ahora atemba nk’uruzi, ineza ikwomeho irenge n’urubyaro, ikugire isoko y’umugisha kuba hafi n’abakure”

Yakomeje arandika agira ati: “Isabukuru y’ibyishimo rukundo rwanjye, uyu munsi ni umunsi wawe wihariye rukundo rwanjye, ndashimira Imana yakuremye, ikirenze ibyo ni uko yakugize uwanjye, ndagukunda ibirenze kuba ufite ubuzima, uri n’umugabo utunganye wanjye, nkwifurije ibyishimo byose bibaho, ubuzima buzira umuze, n’umugisha utangwa n’Imana yo mu ijuru, ramba ramba my King.”

Aba bombi bishimira ko bari kumwe mu rukundo kandi buri wese yishimiye ko yubakanye urugo na mugenzi we, cyane ko ku mpande zombi usanga bemeza ko kuba babana batekereza ko Imana ari yo yabibahitiyemo kuko bose banyuzwe.

Umuryango wa Isimbi n’umugabo we Shaul Hatzir umaze imyaka ibiri kuva bashyingiranywe tariki 20 Gashyantare 2022, kugeza ubu bakaba bataragira umwana ariko bombi bakaba bizeye ko Imana izamubaha.

Shaul Hatzir akomoka mu gihugu cya Isiraheli (Israel) akaba yaramenye Isimbi Model ubwo yari avuye muri Convention Center mu nama yari yitabiriye, icyo gihe Isimbi akaba yari ategereje Taxi ngo atahe avuye mu nama, agerageza kumuvugisha yibwira ko ari uwo muri Ethiopia atwara nimero ye ngo bazavugane.

Uretse kuba Isimbi Model ari umunyamideli, yanagaragaye mu mashusho y’indirimbo Closer ya Meddy yafatanyijemo na Uncle Austine ndetse na nyakwigendera Yvan Bravan.

Isimbi Model na Shaul Hatzir bafitanye imishinga myinshi bakora mu Rwanda ndetse hari n’iyo bateganya gukorera mu Mijyi itandukanye irimo uwa Dubai na Monaco.

  • NYIRANEZA JUDITH
  • Mata 23, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE