Guverineri Gasana yakomoje ku cyo Intara yiteze ku rubyiruko rw’abakorerabushake

  • Imvaho Nshya
  • Mata 22, 2022
  • Hashize imyaka 2
Image

Guverineri w’Intara y’Iburasirazuba CG Gasana K Emmanuel, yakomoje ku cyo nk’ubuyobozi bw’Intara bukeneye ku rubyiruko rw’abakorerabushake (RYVC) rukorera mu Turere dutandukanye tuyigize.

Yabigarutseho kuri uyu wa Kane taliki 21 Mata 2022 mu ishuri rya Polisi i Gishari mu Karere ka Rwamagana, ahateraniye urubyiruko rw’abakorerabushake rurimo guhugurwa.

Ni mu kiganiro kigaragaza ishusho y’Intara n’icyerekezo ifite.

Ubuyobozi bw’Intara bushimangira ko icyerekezo ari ukugira intara itekanye, yihutisha iterambere abaturage bagizemo uruhare hagamijwe impinduka mu bukungu n’imibereho myiza.

Kimwe mu byo ubuyobozi bw’Intara bugarukaho ni uko urubyiruko rukenewe cyane mu bukangurambaga by’umwihariko mu gufasha iyi Ntara mu iterambere.

Guverineri Gasana yagize ati: “Icyo tubitezeho ni ubukangurambaga, kugabanya ibyaha, guha serivisi abaturage basaga miliyoni eshatu, gukomera ku gaciro n’ishema by’Intara no gufasha mu iterambere”.

Akomeza avuga ko kugira ngo urubyiruko rubishobore, rusabwa kugendera ku murongo wa politiki, kwitangira igihugu n’ubuyobozi bwacyo. Ati: “Murasabwa imikorere ya kirwanashyaka, kujyana n’igihe no kwiha agaciro”.

Ubuyobozi bw’Intara bwakomoje ku miyoborere, bugaragaza ko kuba Intara y’Iburasirazuba iri ku mwanya wa Gatatu mu gukingira abaturage COVID-19, byatewe n’icyuho mu miyoborere.

Urubyiruko rw’abakorerabushake rwibutswa kwisuzuma, kwimenya, kwigirira icyizere, guharanira kwigira, kwiyubaha no kubahana.

Amahitamo y’Intara y’Iburasirazuba, Guverineri CG Gasana avuga ko ari ukugumana nk’Abanyarwanda (Ubumwe bwabo), kubazwa inshingano no kureba kure.

Urubyiruko rw’abakorerabushake mu Intara y’Iburasirazuba rwasabwe kwiyubaha no kubaha abandi (Foto Eric)
Abakorerabushake biyemeje guteza imbere Intara y’Iburasirazuba
  • Imvaho Nshya
  • Mata 22, 2022
  • Hashize imyaka 2
TANGA IGITEKEREZO
Gumisiriza says:
Mata 22, 2022 at 9:56 am

Rwanda youths volunteers Imana ibahe umugisha dushimiye impanuro nziza za Governor CG E. Gasana.

Mugisha Suma says:
Mata 22, 2022 at 1:34 pm

Murakoze cyane Nyakubahwa Governor nitwa Mugisha Suma ndi umwe murubyiruko rw’Abakorerabushake rukorera mukarere ka Gatsibo nibyo koko twebwe nk’Urubyiruko rwabakorera bushake dukwiye kwigirira ikizere kandi tukarushaho kwita kunshingano duhabwa ndetse tugakorana umwete ibyo dushinzwe gusa ibyo byose tuzabigeraho dushyigikiwe ninzego zibidufashamo ngira ngo mwabonye imbaraga twakoresheje mukurwanya Covid-19 umusaruro wavuyemo urashimishije kandi twagaragaje ko dushoboye ariko kandi twabishobojwe no kuba twaragize ababidufashamo inzego zitandukanye niyo mpamvu dusaba ko mwakomeza kutuba hafi no kudufasha Murakoze Mugire amahoro y’lmana

Andika igitekerezo

AMATEGEKO AGENGA IYANDIKA RY'IGITEKEREZO CYAWE