Gahongayire yasabye abahanzi b’indirimbo z’Imana gushyigikirana

  • MUTETERAZINA SHIFAH
  • Werurwe 28, 2024
  • Hashize ibyumweru 3
Image

Umuhanzi w’indirimbo zo kuramya no guhimbaza Imana Aline Gahongayire yasabye abahanzi bagenzi be bakora indirimbo zo guhimbaza Imana gushyigikirana hagamijwe guteza imbere umurimo w’Imana.

Ubwo yari mu kiganiro yagiriye kuri imwe muri televiziyo zikorera kuri murandasi, Gahongayire yasabye abahanzi bakiri bato kudahangana.

Ati: ”Reka mbwire abakizamuka aka kantu gatoya, nubona Jado, Dorcas na Vestine, Sharon n’abandi bahagurutse ntuzamurwanye, uzamutere inkunga nta mpamvu yo guhangana dufite, kubera ko ibisarurwa ni byinshi, abasaruzi ni bacye.”

Yongeraho ati: ”Wirwanya uw’Imana ihagurukije, ahubwo menya icyo ugomba gukora mu gihe nk’icyo, inyenyeri ni nyinshi mu kirere ariko ntizibyigana, birambabaza iyo mbona umuhanzi ubyiga undi.”

Gahongayire asaba abasanzwe mu muziki wo kuramya no guhimbaza Imana gushyigikira abakizamuka ndetse na bo bakubaha bakuru babo mu mwuga.

Ati: ”Nimureke dushyikire barumuna bacu, abakiri bato munyumva namwe ibanga ryo gutera imbere ni ukubaha ababanjirije, amavuta ava hejuru akamanuka.

Uyu munsi ikintu kikimpa imbaraga, niyo nabona ibinca intege nubashye Aime, Gaby Kamanzi, Alex Dusabe, sinita ngo ndi mu bihe byanjye.

Abakiri bato mushyiremo ingufu, mwirambira Imana ikorera ku gihe ntikorera mu kwihuta, dukeneye guhaguruka tugafashanya.”

Ibi Aline abivuze mu gihe ku itariki 31 Werurwe 2024 hazaba ibitaramo bibiri bya Gospel Respect Concert, cyo kumurikamo Album ya Tonzi ndetse na Ewanjeria mu rwego rwo kwizihiza Pasika.

Ibintu benshi bagarutseho bavuga ko bishobora kuzaba impamvu y’uko kimwe muri ibyo bitaramo cyazabura abakitabira.

Aline yamenyekanye mu ndirimbo zirimo Ndanyuzwe, God of Miracles, Ubu ndashima, Zahabu n’izindi.

  • MUTETERAZINA SHIFAH
  • Werurwe 28, 2024
  • Hashize ibyumweru 3
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE