Cindy Marvine na Gahongayire bashyize hanze indirimbo ‘Wondekura Norwa’

  • KAYITARE JEAN PAUL
  • Mutarama 23, 2024
  • Hashize ukwezi 1
Image

Cindy Marvine Gateka, umuhanzikazi uri mu bagezweho wamenyekanye mu ndirimbo zo kuramya no guhimbaza Imana yakoranye indirimbo na Aline Gahongayire yiswe ‘Wondekura Norwa’.

Marvine utuye muri Leta Zunze Ubumwe za Amerika yari asanzwe ari umufana ukomeye wa Gahongayire kugeza ubwo yatangiye urugendo rwo gushaka uko bakorana indirimbo.

Imvaho Nshya yamenye ko Aline azakomeza gushyigikira no guteza imbere impano ya Marvine.

Amashusho y’indirimbo ‘Wondekurwa Norwa’ yashyizwe hanze ejo ku wa Mbere tariki 22 Mutarama 2024, yafatiwe mu Karere ka Bugesera mu Ntara y’Iburasirazuba.

Cindy avuga ko indirimbo yakoze ifunguye urugendo rwe rw’umuziki.

Yakuze yiyumvamo impano y’umuziki.

Ati “Navukiye mu muryango w’abanyamuziki, kugeza ubwo muri njye niyumvagamo ko igihe kimwe nzabikora mu buryo bw’umwuga.

Gutangira umuziki nkatangira nkorana indirimbo na Gahongayire, umubyeyi wanjye ni ibintu byampaye imbaraga y’uko nzagera kure”.

Mu ndirimbo yakoranye na Gahongayire igamije kugaragaza ugukomera kw’Imana ndetse n’ibyo yabakoreye.

Cindy yakiriye Yesu nk’umwami n’umukiza mu myaka 12 ishize.

Yaririmbye muri Korali Guérison des âmes yo mu Burundi.

Kugeza ubu umuhanzikazi Cindy ari mu Rwanda ari naho yahuriye na Aline Gahongayire akamufasha gutangira urugendo rw’umuziki we no gukuza impano ye.

Gahongayire yavuze ko muri uyu mwaka ashaka gushyira itafari ku rugendo rw’abandi banyempano nk’imwe mu ntego yihaye.

Ati “Ndashaka gushyira imbaraga cyane cyane muri iki gihe zo gufasha abakiri bato mu muziki ku buryo n’abo impano z’abo zigaragara. Cindy natangiye kumufasha muri ubwo buryo.”

Cindy Marvine Gateka, umuhanzikazi uri mu bagezweho
  • KAYITARE JEAN PAUL
  • Mutarama 23, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE