Abakunda ibitaramo byo kuramya no guhimbaza bashyizwe igorora

  • NTAWITONDA JEAN CLAUDE
  • Nzeri 1, 2022
  • Hashize imyaka 2
Image

Kompanyi itegura ibitaramo RG Consult ifataynije n’inzu izwi nka ‘Prayer House’ isanzwe ikorerwamo amasengesho n’ibitaramo byo kuramya no guhimbaza, byateguye ibitaramo byahawe izina ‘IGICANIRO’ ngarukakwezi.

Mu kiganiro n’abatangije ibi bitaramo batangaje ko bije ho kugira ngo n’abakunda Gospel, bagire umwanya uhagije wo guhura no gusabana n’abaramyi bakunda.

Umutesi Axelle umukozi muri RG Consult mu kiganiro na Imvaho Nshya, yavuze ko gutegura ibitaramo nta mupaka mu guhitamo abahanzi baba abaririmba indirimbo z’Isi cyangwa se abakora injyana z’indirimbo zo kuramya no guhimbaza Imana.

Ati “RG ni kompanyi ikora ibitaramo itarobanuye, kuko mu mwaka wa 2019 twakoze igitaramo ‘Kigali Praise Fest’ twatumiyemo DON Moen na Israel Mbonyi twakoze cyo gushima Imana ibyo yakoreye u Rwanda cya buri mwaka, duhita dukomwa mu nkokora n’icyorezo cya COVID-19, ubu rero twabiteguye tugamije kuzamura n’abahanzi bacu bakora Gospel kuko usanga ibitaramo bakora biba gacye cyane.”

Yakomeje avuga ko ibi bitaramo bizajya bitumirwamo abahanzi b’Abanyarwanda, ariko bitabujijwe ko rimwe na rimwe hajya hatumirwa n’abahanzi bandi bo hanze ariko cyane gukuza abahanzi nyarwanda bakora iyi njyana.

Ku ikubitiro hatumiwe umuhanzi Luc Buntu, uzaririmba mu gitaramo kizabimburira ibindi, kizaba ku cyumweru taliki ya 4 Nzeri 2022, Kicukiro kuri Prayer House.

Kwinjira muri iki gitaramo ni 5000, 10,000 n’ibihumbi 30,000 by’amafaranga y’u Rwanda, u bazayagura mbere, naho ku bazayagurira ku muryango azaba ari ibihumbi 10,000 , 20,000 ndetse n’ibihumbi 50,000, ushobora kuyasanga unyuze kuri www.rgtickets.com.

Ibi bitaramo biteganyijwe ko bizajya biba buri cy’umweru cyambere cy’ukwezi, bikabera kuri Prayer House iherereye mu Karere ka Kicukiro ahateganye na Lamane.

Intego nyamukuru y’ibi bitaramo ni ugukura abantu mu bwigunge bakanezerwa, baramya banahimbaza Imana bakabohoka imitima.

  • NTAWITONDA JEAN CLAUDE
  • Nzeri 1, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE