Abasifuzi bakomoka muri Cameroun bayobowe na Abdoul Mefiri ni bo bazasifura umukino APR FC izakiramo Zamalek SC mu ijonjora rya kabiri ryo gushaka itike yo gukina amatsinda ya CAF Champions League.
Ni nyuma y’uko Impuzamashyirahamwe ya Ruhago muri Afurika (CAF), ryandikiye amakipe yombi riyamenyesha abazagira uruhare muri uyu mukino utoroshye.
Abdoul Mefiri azaba ari mu kibuga hagati yungirijwe na Elvis Jay Noubou Ngoujo na Rodrigue Mini Mbli
bazaba bari mu mpande ndetse Antoine Max Isuma uzaba ari uwa kane.
Ni umukino uteganyijwe kubera kuri Stade Amahoro, ku wa 16 Ukwakira saa Kumi n’Ebyiri mu gihe uwo kwishyura uzabera kuri Cairo International Stadium, ku wa 24 Ukwakira 2026 mu Misiri.
APR FC yasezereye Les Aigle du Congo yo muri Repubulika Iharanira Demokarsi ya Congo (RDC) mu ijonjora rya mbere, mu gihe Zamalek SC yasezereye AS Port yo muri Djibouti.
Ikipe y’Ingabo z’Igihugu ikomeje kwitegura uyu mukino kuko imaze gukina imikino ibiri ya gicuti harimo uwayihuje na Amagaju FC ndetse n’uwa Mukura VS.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE