Impuzamashyirahamwe y’Umupira w’Amaguru muri Afurika (CAF) yongereye amafaranga azahabwa amakipe azegukana igikombe cya CAF Champions League na Confederation Cup, guhera muri uyu mwaka w’imikino wa 2025/2026.
Ni icyemezo CAF yafashe mu rwego rwo gukomeza kongerera agaciro amarushanwa yayo ahuza amakipe yitwaye neza iwayo ku mugabane wa Afurika.
Ikipe izegukana igikombe muri CAF Champions League izahabwa miliyoni 6 z’amadolari y’Amerika, iya kabiri izahabwa miliyoni 2 z’amadolari y’Amerika.
Amakipe azagera muri ½ azahabwa miliyoni 1 n’ibihumbi 200, azagera muri ¼ azahabwa ibihumbi 900$, mu gihe azasoza ku mwanya wa gatatu n’uwa kane mu mikino y’amatsinda izahabwa ibihumbi 700$.
Mu busanzwe ikipe yatwaraga iri rushanwa yahabwaga miliyoni 4$, itegeko ryatangiye gukurikizwa kuva mu 2023. Ku rundi ruhande, Ikipe izegukana igikombe muri CAF Confederations Cup izahabwa miliyoni 4 $, avuye kuri miliyoni 2$ (miliyari 2,9 Frw) yafataga kuva mu 2023.
Iya kabiri yagenewe miliyoni 1 $, Amakipe yageze muri ½ azahabwa ibihumbi 750 $, ayageze muri ¼ yagenewe ibihumbi 550 $ ni mu gihe azasoza ku mwanya wa gatatu n’uwa kane mu mikino y’amatsinda ibihumbi 400$.
CAF yaherukaga kongera amafaranga yahawe ikipe yegukanye igikombe cya Afurika 2025 aho Senegal yacyegukanye yahawe miliyoni 10 z’amadolari ya Amerika.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE