Tanzania: Abatavuga rumwe n’ubutegetsi bavuga ko hamaze kwicwa 700

Ishyaka rya mbere rikomeye mu yatavuga rumwe n’ubutegetsi bwa Tanzania ryatangaje ko abamaze kugwa mu myigaragambyo yamagana amatora y’Umukuru w’igihugu irimbanyije muri Tanzania bamaze kurenga 700.

John Kitoka, Umuvugizi w’iryo shyaka ryitwa Chadema, yauze ko I Dar es Salaam honyine hamaze gupfa ababarirwa muri 350 na ho abandi basaga 200 bakaba bari I Mwanza.

Yakomeje agira ati: “Turamutse twongeyeho imibare iva mu bindi bice byo mu gihugu, tugera ku mubare ugera ku mfu 700.”

Ishyaka Chadema rivuga ko abanyamuryango babo bagiye banyura mu bitaro bitandukanye mu gihugu kugira ngo bagere kuri iyo mibare, yanaje no kwemezwa n’Ibiro Ntaramakuru by’Abafaransa (AFP) byabajije abakora mu nzego z’umutekano.