BAL 2022: Ikipe ya REG BBC yaviriyemo muri ¼
-
- Gicurasi 21, 2022
- Hashize imyaka 3
Petro de Luanda 102-89 AS Salé
REG BBC 63-66 FAP
Taliki 22-05-2022
US Monastir-Cape Town Tigers (Kigali Arena-14h30)
Zamalek-SLAC (Kigali Arena-18h00)
Kuri uyu wa Gatandatu taliki 21 Gicurasi 2022 ni bwo hatangiye imikino ya nyuma y’irushanwa ry’Afurika ry’amakipe yatwaye ibikombe iwayo muri Basketball mu bagabo “Africa Basketball League 2022”
Ikipe ya REG BBC yari ihagarariye u Rwanda nyuma yo kwitwara neza mu mikino y’amajonjora nta bwo yashoboye kurenga muri ¼ cy’iragiza nyuma yo gutsindwa n’ikipe ya FAP yo muri Cameroun amanota 66 kuri 63.
Muri uyu mukino, ikipe ya REG BBC yatsinzwe agace ka mbere ku manota 23 kuri 17, itsinda agace ka kabiri ku manota 14 kuri 13. Ikipe ya FAP yatsinze agace ka gatatu amanota 19 kuri 17 mu gihe REG BBC yatsinze agace ka kane ku manota 15 kuri 11.
Uyu mukino wakurikiwe na Perezida w’u Rwanda, Paul Kagame ari kumwe n’Umuyobozi wa BAL, Amadou Gallo Fall, Ujiri Masai,Umuyobozi w’ikipe ya Toronto Raptors n’abandi batandukanye baturutse muri NBA Africa.
Undi mukino wa ¼ wabaye, ikipe ya Petro de Luanda yo muri Angola yegukanye umwanya wa 3 muri BAL 2021 yatsina AS Salé yo muri Maroc amanota 102-89. Ikipe ya Petro de Luanda yatsinze uduce dutatu twa mbere ku manota 20 kuri 16, 30 kuri 19 na 30 kuri 17mu gihe AS Salé yatsinze agace ka kane ku manota 37 kuri 22.
Ikipe ya FAP na Petro de Luanda zikaba zahise zikatisha itike ya ½ cy’irangiza.
Indi mikino ya ¼ iteganyijwe
Kuri iki Cyumweru taliki 22 Gicurasi 2022 haraba indi mikino ibiri ya ¼ cy’irangiza aho ikipe ya US Monastir yo muri Tunisia yabaye iya kabiri muri BAL 2021 ikina na Cape Town Tigers yo muri Afurika y’Epfo yitabiriye ku nshuro ya mbere naho ikipeya Zamalek BBC yo mu Misiri ifite igikombe giheruka ikine na SLAC yo muri Guinea.
-
- Gicurasi 21, 2022
- Hashize imyaka 3
