Volleyball:  Ikipe y’u Rwanda yatsinzwe na Kenya  mu gutangira imikino y’Afurika

  • Imvaho Nshya
  • Kanama 17, 2023
  • Hashize amezi 10
Image

Ikipe y’u Rwanda ntabwo yatangiye neza imikino y’Afurika mu mukino wa Volleyball mu cyiciro cy’abagore “Women’s African Nations Volleyball Championship 2023″ kuko yatsinzwe n’ikipe ya Kenya.

Muri uyu mukino wo mu itsinda B wabereye muri Palais Polyvalent des Sports de Yaoundé,   ikipe ya Kenya yabaye iya kabiri mu irushanwa riheruka yatsinze ikipe y’u Rwanda amaseti 3-0 (25-16, 25-20 na 25-17).

Muri iri tsinda kandi ikipe  ya Maroc yatsinze Burkina Faso amaseti 3-0 (25-18, 25-11 na 25-7) naho ikipe ya Uganda itsinda Lesotho amaseti 3-0 (25-10,25-05 na 25-10).

Mu itsinda A,  Nigeria yatsinze Mali amaseti 3-0 (25-18,25-14 na 25-20), Misiri itsinda  Algeria amaseti 3-0 (25-18,25-13 na 25-22) naho ikipe ya Cameroun iri mu rugo ndetse akaba ari yo ifite igikombe giheruka itsinda u Burundi  amaseti 3-0 (25-02, 25-08 na 25-12).

Imikino y’umunsi wa kabiri 

Kuri uyu wa Kane tariki 17 Kanama 2023 ni bwo hakinwa imikino y’umunsi wa kabiri mu  matsinda.

Mu itsinda A, ikipe ya Mali irakina na Misiri (11h00), ikipe y’u Burundi ikine na Algeria (13h00) naho Cameroun ikine na Nigeria (18h00).

Mu itsinda B, ikipe y’u Rwanda irakina na Lesotho (12h00), Burkina Faso ikine na Kenya (14h00) naho Uganda ikine na Maroc (16h00).

Yanditswe na NYIRANEZA JUDITH

  • Imvaho Nshya
  • Kanama 17, 2023
  • Hashize amezi 10
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE