Urusengero rw’Itorero Umuriro wa Pentekote rwa Kimironko rwari rwarafunzwe rwakomorewe

  • KAYITARE JEAN PAUL
  • Ukuboza 12, 2023
  • Hashize amezi 5
Image

Urusengero rw’Itorero Umuriro Wa Pentekote rwa Kimironko ruherutse gufungwa tariki 31 Ukwakira 2023, Inzego z’ibanze zamaze kurukomerera nyuma yo kuzuza ibyo rwasabwaga kuba rwujuje.

Ubuyobozi bw’Umurenge wa Kimironko buherutse kurufunga mu kwezi k’Ukwakira uyu mwaka. Hari muri gahunda zo kugenzura ibikorwa by’amadini n’amatorero.

Icyo gihe Umunyamabanga Nshingwabikorwa w’Umurenge wa Kimironko, Musasangohe Providence, yabwiye Imvaho Nshya ko icyatumye rufungwa by’agateganyo harebwe ku bintu byinshi birimo n’icy’uko rwemerewe gukora.

Mu byatumye Itorero Umuriro wa Pentekote rifungwa, harimo kuba ritarubahirizaga amabwiriza yo kugenzura amajwi y’ibyuma asohoka mu rusengero.

Mu gitondo cyo kuri uyu wa Kabiri tariki 12 Ukuboza 2023, ubuyobozi bw’Umurenge wa Kimironko bwakomoreye urusengero rw’Itorero Umuriro wa Pentekote bityo rukaba rwemerewe gusengerwamo.

Nubwo hakemutse ikibazo cyo kurukomorera, iri torero riravugwamo ibibazo by’amakimbirane aho mu bariyoboye bashinjanya gusahura itorero no kuba hari abariyoboye mu buryo butemewe n’amategeko nkuko bivugwa na bamwe mu bakirisitu baryo.

Ni mu gihe kandi abariyoboye baherutse kurega abayobozi bagenzi babo mu Rwego rw’Ubugenzacyaha (RIB) ku bijyane n’amafaranga adashobora kubikuzwa kuri banki.

Urundi ruhande rwakunze kuvuga ko hari bagenzi babo batitabira gahunda za Leta bakaba barahisemo kwibera mu bihanamanga n’ubwo bavuga ko babivuyemo.

  • KAYITARE JEAN PAUL
  • Ukuboza 12, 2023
  • Hashize amezi 5
TANGA IGITEKEREZO
Canisius says:
Gicurasi 9, 2024 at 12:11 am

Rwose ibyo bintu ntibikwiye birabishye mu matwi kuko nta mukristo ukora bene ibyo!

Andika igitekerezo

AMATEGEKO AGENGA IYANDIKA RY'IGITEKEREZO CYAWE