Umujyi wa Kigali watanze integuza ku batwikira imyanda mu ngo

  • KAYITARE JEAN PAUL
  • Mutarama 11, 2024
  • Hashize amezi 2
Image

Ubuyobozi bw’Umujyi wa Kigali bwatanze integuza ku bantu batwikira imyanda mu ngo zabo. Wibutsa kandi ko bibujijwe gutwika imyanda yo mu ngo, ibiyorero, amapine n’ibindi.

Ibi ngo biri muri gahunda yo kurengera ibidukikije, hakumirwa imyotsi aho muntu yaba ari hose.

Umujyi wa Kigali watanze iyi nteguza ushingiye ku itegeko No 48/2018 ryo ku wa 13/08/2018 rigenga ibidukikije.

Mu butumwa bwanyujijwe ku rubuga rwa X, bugira buti “Umujyi wa Kigali wongeye kumenyesha abantu bose ko kizira kikaziririzwa gutwika imyanda yo mu ngo, ibiyorero, amapine, pulasitike n’ibindi kuko byangiza ibidukikije, imihindagurikire y’ibihe igakaza umurego, ibiza bikiyongera, umwuka mwiza duhumeka na wo ukangirika”.

Umujyi wa Kigali usaba abawutuye kwitwararika bakajyana imyanda yo mu ngo ndetse n’ibiyorero aho byagenewe.

Ubutumwa bukomeza busaba abatuye mu Mujyi wa Kigali n’abahagenda kwamagana iyo myotsi aho yaba iva hose kugira ngo bakomeze kurushaho kubungabunga umujyi wabo bityo uhore usukuye kandi utekanye.

Mu gihe ibyo byaba byubahirijwe ngo urusobe rw’ibinyabuzima biri mu Mujyi wa Kigali byakomeza gusagamba.

Abaturage basabwa gutangira amakuru ku gihe, mu gihe babonye umuntu wese utwika icyo ari cyo cyose bityo ubikoze agacyahwa vuba.

  • KAYITARE JEAN PAUL
  • Mutarama 11, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE