Umuhanzi LIMU yasohoye indirimbo yise “Intwari z’u Rwanda”

Umuhanzi Twizerimana Floduard ukoresha izina “LIMU”  mu buhanzi  yasohoye indirimbo yise “Intwari z’u Rwanda”  ikubiyemo ubutumwa bushishikariza Abanyarwanda by’umwihariko urubyiruko kuzirikana ibyaranze Intwari z’u Rwanda.

Iyi ndirimo yayisohoye taliki 31 Mutarama 2022.  Umuhanzi LIMU  atangaza ko yahimbye iyi ndirimbo nyuma yo gusobanukirwa kurushaho  ibikorwa byiza byaranze Intwari z’u Rwanda zitanze zitizigama kugeza naho bamwe muri bo bahatakarije ubuzima bitewe no gukunda u Rwanda n’Abaruvuka.

 Akomeza avuga ko yifuza gusangiza Abanyarwanda by’umwihariko urubyiruko ubutubwa bwo guharanira gukora ibikorwa byiza byatuma babera abandi urugero rwiza. Ati :  “Rubyiruko rungano rwanjye ndagira ngo mbabwire nti Intwari z’u Rwanda zatubereye urugero rw’ibishoboka.”

Umuhanzi LIMU  amaze guhanga izindi ndirimo zitandukanye zirimo “Amarembo y’u Rwanda”,  “Rwanda Abakugana”, “Dukomere ku gihango”, Icyomoro n’igihango”, “Uragiye” n’izindi zitandukanye.