Umugaba Mukuru w’Ingabo za Mozambique yasuye u Rwanda

  • NTAWITONDA JEAN CLAUDE
  • Mutarama 22, 2024
  • Hashize amezi 4
Image

Umugaba Mukuru w’Ingabo za Mozambique CGS Admiral Joaquim Mangrasse, yatangiye uruzinduko rw’akazi rw’iminsi ibiri mu Rwanda.

Kuri uyu wa Mbere, yakiriwe na Minisitiri w’Ingabo Juvenal Marizamunda ari kumwe n’Umugaba Mukuru w’Ingabo z’u Rwanda, Gen Mubarakh Muganga ku Birindiro Bikuru by’Ingabo z’u Rwanda.

Bagiranye ibiganiro byibanze ku bufatanye bw’u Rwanda na Mozambique mu kurwanya iterabwoba no guhashya burundu ibyihebe mu Ntara ya Cabo Delgado.

Ibiganiro byabo byibanze ku kurushaho guteza imbere umubano w’inzego z’umutekano z’ibihugu byombi.

Admiral Mangrasse amaze gusura Ibirindiro Bikuru by’Ingabo z’u Rwanda n’icyicaro cya Minisiteri y’Ingabo, yavuze ko ibiganiro yagiranye n’abayobozi byibanze ku bufatanye bukomeje bugamije kurwanya iterabwoba.

Ati: “Twaganiriye ku mikoranire ikomeje aho duhuza imbaraga mu kurwanya iterabwoba, bikaba bishimangira uko itwiyemeje kiudatezuka kugeza dugeze ku ntsinzi.

Ibiganiro byacu byagarutse ku ngingo zitandukanye, by’umwihariko byibanda ku mahugurwa, imyitozo ihuriweho ndetse n’uburyo buteguwe neza bwo guhangana n’umwanzi duhuriyeho, ari ryo terabwoba mu Ntara ya Cabo Delgado.”

Admiral Mangrasse  yazanye n’itsinda muri uru ruzinduko rw’iminsi ibiri, mu gihe inzego z’umutekano z’ibihugu zombi zikomeje kwimakaza ubutwererane binyuze mu kurushaho kwimakaza umutekano no guhangana n’imbogamizi zihuriweho n’ibihugu byombi.

  • NTAWITONDA JEAN CLAUDE
  • Mutarama 22, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE