Umubano w’u Rwanda na Mozambique ni ntamacyemwa – Amb.Col (Rtd) Ndamage

Umubano w’u Rwanda na Mozambique ni ntamacyemwa – Amb.Col (Rtd) Ndamage

Ambasaderi w’u Rwanda muri Mozambique Col (Rtd) Ndamage Donat avuga ko nyuma y’aho Ingabo z’u Rwanda zafashije mu gikorwa cyo kugarura amahoro muri icyo gihugu , umubano w’ibihugu byombi ari ntamacyemwa.

Yavuze ko ibyo byanashimangiwe n’amasezerano  yasinywe (Status of Force Agreement), akaba yaramaze kuvugururwa agena imikoranire  hagati y’ibihugu byombi mu kugarura amahoro muri icyo gihugu.

Mu kiganiro yahaye RBA, Ambasaderi w’u Rwanda muri Mozambike yavuze ko kugeza ubu ubuzima muri icyo gihugu bwagarutse, ahanini biturutse ku bushake n’imbaraga Abanyarwanda bashyizemo bafatanyije na Mozambique.

Yavuze inzego z’umutekano z’u Rwanda zagize uruhare mu kubungabunga amahoro, ku buryo mu turere tumwe tw’icyo gihugu, nibura hari aho 90% by’abaturage basubiye mu mitungo yabo bari barataye bitewe n’umutekano muke bari baratejwe n’imitwe y’iterabwoba yahungabanyije umutekano waho.

Ati: “Kugeza ubu umubano w’u Rwanda na Mozambique umeze neza kandi ni ntamacyemwa, nibura abana bariga, abantu barema amasoko, imodoka ziragenda, amasosiyete akora imirimo yo gucukura gaze yasubukuye imirimo iragenda neza ku buryo imirimo igeze ku kigero cya 40% n’abari barataye imitungo yabo abasaga 90% basubiye mu byabo”.

Yavuze ko n’imikoranire n’inzego z’umutekano imeze neza kuko mu minsi ishize, hari ingabo za Mozambique zigera kuri 500 zahuguwe n’ingabo z’u Rwanda.

Ku birebana n’iterambere ry’umuco w’Abanyarwanda baba muri Mozambike, Amb. Col. (Rtd) Ndamage avuga ko Abanyarwanda baba muri Mozambike bishimira ko abana babo ubu begerejwe amashuri babifashijwemo na Ambasade bakiga ururimi rw’Ikinyarwanda.

Kugeza ubu hakaba hari abasaga 50 batangiye ayo masomo, avuga ko vuba aha bazakomeza imikoranire n’Urwego rw’Igihugu rw’Uburezi bw’Ibanze (REB), aho bazafashwa kubona imfashanyigisho n’integanyanyigisho ku buryo bw’iyakure.

Ambasaderi w’u Rwanda muri Mozambique Col. ( Rtd) Ndamage Donat yashimangiye ko umubano w’u Rwanda n’icyo gihugu ari ntamakemwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19
  2. Kayonza: Abajyanama b’Akarere batowe biyemeje guhangana n’ibidindiza iterambere ry’imiryango 21 Ugushyingo 2026 Saa 22:03
  3. Rayon Sports yanganyije na APR FC 21 Ugushyingo 2026 Saa 21:25
  4. Musanze: Bifashishije ibimene by’amacupa bakora amakaro biteza imbere 21 Ugushyingo 2026 Saa 18:26
  5. Abiga mu Ishuri Rikuru rya Gisirikare basuye Akarere ka Nyagatare 21 Ugushyingo 2026 Saa 18:15