Uganda:  Abarimu barenga 1000 bamaze gupfa kuva mu 2021

  • KAMALIZA AGNES
  • Ukuboza 14, 2023
  • Hashize amezi 5
Image

Kuva mu mwaka wa 2021 kugeza 2023, Uganda imaze gutakaza nibura abarimu 1 278 kubera indwara zitandukanye zituruka ku buzima bubi ndetse n’impanuka.

The East African yanditse ko mu nyandiko yashyizwe ahagaragara n’Ubunyamabanga bw’Ihuriro ry’abarimu bo muri Uganda (Uganda National Teachers Union, UNATU) ivuga ko izi mfu zasize icyuho mu mwuga wo kwigisha.

Mu nama yabereye i Kampala muri iki cyumweru, umuyobozi wa UNATU Zadock Tumuhimbise, yavuze ko iyi mibare ihangayikishije.

Ati: “Iyi ni imibare ihangayikishije, kandi tugomba kwibanda ku gihitana ubuzima bwa bagenzi bacu tukabiha umurongo”.

Yongeyeho ko hari abandi barimu bapfuye bazize imihangayiko yatewe nuko byinshi mu byifuzo byabo bitubahirijwe.

Umuyobozi wungirije wa UNATU, Katakwi Santus Okot avuga ko atewe ubwoba n’izi mfu kuko bizatera icyuho cy’abarimu muri Uganda.

Ati: “Guverinoma isa nk’aho itazi ko Uganda ishobora kuzahura  n’ikibazo cyo kubura abarimu mu 2025. Reka tubibamenyeshe ubu”.

UNATU ivuga ko kuva muri Mutarama kugeza mu Ugushyingo, abarimu 356 bamaze gupfa, 272 muri bo ari abagabo.

Intumwa yaturutse ku ishami rya Lubaga, Bwana Nobert Opira, avuga ko uyu mubare w’imfu uteye ubwoba kandi ahanini biterwa n’akababaro gaturuka mu mibereho mibi.

Yavuze ko amafaranga umwarimu yinjiza ntaho ahuriye n’imibereho muri Uganda.

Ati: “Tugomba gutera inkunga uburezi bw’abana bacu kimwe n’ibindi bikorwa”.

Mu 2021, mu barimu 490 bapfuye, 126 muri bo bari abagore. Mu 2022, abarimu bagera kuri 432 bapfuye, 104 muri bo bari abagore.

  • KAMALIZA AGNES
  • Ukuboza 14, 2023
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE