U Rwanda mu bihugu bifite ubukungu bwihagazeho mu bihe bikomeye

  • Imvaho Nshya
  • Ukwakira 6, 2023
  • Hashize amezi 8
Image

Banki y’Isi yatangaje ko u Rwanda ruza mu bihugu bigikomeje guhangana n’uko ubukungu bwacyo budahungabana ugereranyije n’ibindi bihugu aho kuri ubu ubukungu bwarwo bwazamutseho 9.2 mu mezi 4 ane ya mbere ya 2023.

Afurika yo munsi y’ubutayu bwa Sahara ni igice cyugarijwe n’ibibazo byatumye n’ubukungu buhungabana bikomeye nkuko byagaragajwe n’ubushakashatsi bwa Banki y’Isi, kuko bwavuye ku ijanisha rya 3.6% muri 2022 bugera kuri 2.5% muri 2023.

Banki y’Isi kuri yashyizwe hanze ubushakashatsi ku buryo ubukungu bwifashe muri Afurika, bagaragaje ko ubukungu kuri uyu mugabane bwaranzwe no gusubira hasi no kuba ibihugu bikigowe no kubuzahura.

Banki y’Isi yavuze ko hakenewe uburyo buhamye bwo gukubangabunga ubukungu butajegajega, kongera umusaruro no guhanga imirimo mishya ku rubyiruko.

Andrew Dabalen, Umuyobozi w’Ishami rya Banki y’Isi  ry’ubukungu ku mugabane w’Afurika, yatangaje ko abaturage bo mu bihugu bikennye bakomeje kuzahazwa n’ubu bukungu bitifashe neza, aho ubukene ku miryango bwiyongereye ndetse n’amahirwe yo kubona akazi aragabanyuka.

Yagize ati: “Urubyiruko rurenga miliyoni 12 rw’Abanyafurika ruhora rushakisha akazi buri mwaka, birakwiye ko abari mu myanya ifata ibyemezo bashyiraho ingamba zikomeye kandi zihamye zo kubungabunga ubukungu ndetse no guhanga uburyo abantu babona akazi.” 

Raporo ya Banki y’Isi kandi igaragaza ko ubukungu mu karere k’Afurika yo munsi y’Ubutayu bwa Sahara buzagabanyuka bukagera kuri 2.5% muri 2023, mu gihe bwari kuri 3.6% mu mwaka ushize. Ni mu gihe kandi mu mwaka utaha ubukungu bazamuka kuri 3.7% ndetse muri 2025 bukagera kuri 4.1%.

Iyi banki  kandi inashimangira  ko kuva mu 2015, ubukungu bw’Afurika yo munsi y’Ubutayu bwa Sahara bwakomeje kuzahara kubera ko abaturage bahatuye biyongera ku bwinshi ariko ibikorwa bitanga inyungu ntibyiyongere cyangwa ngo bitange umusaruro uhagije.

ZIGAMA THEONESTE

  • Imvaho Nshya
  • Ukwakira 6, 2023
  • Hashize amezi 8
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE