U Burusiya na Ukraine bahererekanyije imfungwa z’intambara

Kuri uyu wa Gatatu tariki ya 3 Mutarama 2024, Perezida wa Ukraine Volodymyr Zelensky yatangaje ko infungwa z’intambara zisaga 200 z’Abanya Ukraine barekuwe n’u Burusiya.

Ku ruhande rwa Minisitiri w’Ingabo z’u Burusiya na we yatangaje ko Ukraine na yo yarekuye imfungwa z’intambara z’Abarusiya 248.

Ni ku nshuro ya mbere ibi bihugu bihererekanyije imfungwa z’intambara nyuma y’amezi menshi Moscou, umurwa mukuru w’u Burusiya ushinja Kiev, umurwa mukuru wa Ukraine kuba wari waranze imishyikirano mu rwego rwo guhererekanya imfungwa.

Mu itangazo Minisitiri w’Ingabo w’u Burusiya yashyize ahabona, rigira riti: ” Mu gikorwa cy’imishyikirano yo guhererekanya imfungwa z’intambara, abasirikare b’Abarusiya 248 barekuwe na Kiev bagarutse mu gihugu”.