The Ben yashyize hanze indirimbo igaragaramo umugore we

Nyuma y’amasaha make The Ben asabye ndetse anakwa, Uwicyeza Pamella, kuri uyu wa Gatandatu, yahise ashyira hanze indirimbo nshya yise ‘Ni Forever’ inagaragaramo uyu mugore we.

‘Ni forever’ isohotse nyuma y’umwaka urenga The Ben yishyuzwa indirimbo nshya, cyane ko yari amaze umwaka adasohora indirimbo.

Iyi ndirimbo nshya ya The Ben mu buryo bw’amajwi yakozwe na Producer Kozze ubarizwa muri Country Records, mu gihe amashusho yayo yo yafashwe anatunganywa na John Elarts.

Ni indirimbo y’urukundo uyu muhanzi aba abwira umukunzi we ko amukunda kugeza ku mwuka we wa nyuma, atazigera amuca inyuma.

‘Ni Forever’ ni indirimbo nshya ya The Ben igiye hanze nyuma y’umwaka urenze adasohora indirimbo kuko yaherukaga gushyira hanze ‘Why’ yakoranye na Diamond mu 2021.