Taiwan: Lai Ching-te ni we watsinze amatora y’Umukuru w’Igihugu

  • ZIGAMA THEONESTE
  • Mutarama 13, 2024
  • Hashize amezi 4
Image

Umukandida w’ishyaka riri ku butegetsi Lai Ching-te yatsinze amatora y’Umukuru w’Igihugu cya Tayiwani kandi abo bari bahanganye barabyemera.

Leta y’u Bushinwa yarwanyije Lai Ching-te, ivuga ko amatora ari amahitamo hagati y’intambara n’amahoro.

Ikinyamakuru Euro News cyanditse ko kuri uyu wa Gatandatu Tariki ya 13 Mutarama 2023, ari bwo umukandida w’ishyaka Uling, Lai Ching-te, yatsinze amatora y’Umukuru w’Igihugu cya Tayiwani kandi abamurwanyaga barabyemera, ndetse bahamya ko ari  igisubizo kizagaragaza inzira y’imibanire ya demokarasi Leta yigenga mu myaka ine iri imbere.

Ubushinwa bwari bwavuze ko amatora ari amahitamo hagati y’intambara n’amahoro. Pekin irwanya byimazeyo Lai, wari asanzwe ari visi perezida, umugabo waretse umwuga we w’ubuvuzi kugira ngo akurikirane politiki kuva mu nzego z’ibanze kugeza kuri Perezida.

Ikibazo cy’amahoro, umutekano w’imibereho n’iterambere mu gihugu bikomeza kwiyongera.

Ni igihugu kiri ku bilometero 160 uvuye ku mupaka w’u Bushinwa, ibyo Leta ya Beijing ivuga ko ari icyayo kandi ko izacyisubiza ku ngufu mu gihe bibaye ngombwa .

Mu gihe ibibazo by’imbere mu gihugu nk’ubukungu bwifashe nabi nabyo byagaragajwe cyane mu kwiyamamaza, ishyaka rya Lai riharanira demokarasi no kwishyira ukizana, ubutabera mbonezamubano no kwanga iterabwoba ry’u Bushinwa byatangajwe ko ari ryo ryatsinze kandi rihamya ko rigiye guhangana n’ibyo bibazo.

Ni ku nshuro ya mbere ishyaka rimwe riyoboye Tayiwani muri manda eshatu z’imyaka ine zikurikiranye, kuva amatora ya mbere ya Perezida muri Taiwan yatangira mu 1996.

Mu kiganiro n’abanyamakuru nyuma y’amatora, Lai yashimiye abamutoye muri Tayiwani ndetse ahamya ko banditse igice gishya cy’amateka muri demokarasi.

Ati: “Tweretse Isi uburyo dukunda demokarasi yacu. Ubu ni bwo bwitange bwacu butajegajega.”

Yongeyeho ati: “Tayiwani izakomeza kugendana na demokarasi iturutse hirya no hino ku Isi… binyuze mu bikorwa byacu. Abaturage ba Taiwan barwanyije byimazeyo ingufu z’amahanga yashakaga kwivanga muri aya matora.”

Lai na Perezida uriho ubu, Tsai Ing-wen bakunze kwamagana uburyo u Bushinwa bushaka kwigarurira Tayiwani, igihugu cyahoze gikoronijwe  n’Abayapani bayitandukanyije n’igihugu cy’u Bushinwa mu 1949.

Mu gihe cy’amatora Leta y’u Bushinwa yari ishyigikiye umukandida Hou Yu-ih, mu gihe yayisezeranyaga ko naramuka atowe azajya mu biganiro n’u Bushinwa ku buryo bwakwegukana Tayiwani.

Mu gihe kandi igihugu cya Leta Zunze Ubumwe z’Amerika cyo cyatangaje ko mu gihe cyose Tayiwani yakenera intwaro zo kwirwanaho cyiyemeje kuyitera inkunga

Hagati aho, Umunyamabanga wa Leta zunze ubumwe z’Amerika ushinzwe ububanyi n’Amahanga, Antony Blinken, yashimye Lai ku ntsinzi yabonye.

  • ZIGAMA THEONESTE
  • Mutarama 13, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE