Sierra Leone : Abaturage bashyizwe muri Guma mu Rugo nyuma y’igitero gikomeye

  • KAMALIZA AGNES
  • Ugushyingo 26, 2023
  • Hashize amezi 3
Image

Perezida wa Sierra Leone kuri iki Cyumweru, yatangaje gahunda ya Guma mu Rugo mu gihugu hose nyuma y’igitero cy’abitwaje intwaro cyagabwe kuri za gereza zitandukanye, abagororwa bakarekurwa.

Minisitiri w’Itangazamakuru wa Sierra Leone Chernor Bah, yavuze ko amagogorero atandukanye mu gihugu yakuwemo imfungwa mu gitondo cyo kuri iki cyumweru.

Ni nyuma nanone y’uko abantu bitwaje intwaro bagabye igitero ku birindiro  by’ingabo  mu Murwa Mukuru Freetown bakanagera kuri Gereza ya Pademba yari irimo abagororwa barenga 2000.

Abaturage ba Freetown babwiye BBC ko bazindutse bumva urusaku rw’amasasu mu Birindiro bya gisirikare byegeranye n’aho Perezida atuye.

Nyuma y’icyo gitero Minisiteri y’Itangazamakuru nib wo yahise itangaza Guma mu Rugo, ishimangira ko abaturage bose bategetse kuguma mu nzu ndetse ko n’indege ziva cyangwa zinjira mu gihugu zihagaritswe by’agateganyo.

Abagabye ibitero bahise basubizwa inyuma mu nkengero za Freetown ahagana saa saba n’igice, ndetse Minisitiri Chernor Bah yaboneyeho kwandika ku mbuga nkoranyambaga ko Inzego z’umutekano zahise zigarura ituze.

Igihugu cyashyizwe muri Guma Mu Rugo

Yakomeje agira ati: “Amagororero manini arimo n’irya Pademba Road yagabweho ibitero mu gitondo cy’uyu munsi kandi mu rwego rwo kubungabunga ubuzima bw’abasivili barimo n’abagororwa inzego z’umutekano zahisemo gusubira inyuma.”

Iki gitero cyateye ubwoba n’impungenge ku ihungabana ry’umutekano kuko mu karere iki gihugu giherereyemo hamaze igihe havugwa ihirikwa ry’ubutegetsi.

Nk’uko byemejwe na France 24, Minisitiri Bah avuga ko bagabweho igitero kuko  abashinzwe umutekano barwanaga  no kugarura   ituze mu gihe amasasu yacicikanaga  ku kigo cya gisirikare cya Wilberforce.

Bah yavuze ko bamwe mu bagororwa ba Pademba bashimuswe, mu gihe abandi nabo batorotse.

Gusa Perezida wa Sierra Leone, Julius Maada Bio, yatangaje ko baza gusubiza ibyo bitero.  Urusaku rw’amasasu rwumvikanye mu mujyi nyuma y’amasaha make Guverinoma yijeje abaturage ituze.

Perezida Julius Maada Bio yavuze ko umubare munini w’abayoboye ibyo bitero wamaze gutabwa muri yombi kandi iperereza rikomeje kugira ngo ababigizemo uruhare bose babiryozwe.

Iki gitero, kije nyuma y’amezi make Julius Maada Bio yongeye gutorerwa kuyobora manda ya kabiri ku majwi ataravuzweho rumwe nabatavuga n’ubutegetsi, kuko bavuze ko habayeho ukwibeshya ku byavuye mu matora.

Sierra Leone ituwe n’abaturage miliyoni 8 bari mu bakennye kurusha abandi ku Isi.

Perezida Julius Maada Bio agabweho igitero nyuma y’igihe giton atsindiye kuyobora Sierra Leone
  • KAMALIZA AGNES
  • Ugushyingo 26, 2023
  • Hashize amezi 3
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE