Senegal yakuye ku rutonde abakandida batavuga rumwe n’ubutegetsi

  • KAMALIZA AGNES
  • Mutarama 22, 2024
  • Hashize amezi 4
Image

Senegal yashyize ahagaragara urutonde rwa nyuma rw’abakandida 20 bazitabira amatora y’Umukuru w’Igihugu yo ku ya 25 Gashyantare ariko ntihashyirwamo bamwe mu bayobozi b’amashyaka atavuga rumwe n’ubutegetsi barimo Ousmane Sonko na Karim Wade, umuhungu w’uwahoze ari perezida Abdoulaye Wade.

Ku wa gatandatu, ni bwo hateranye inama y’Itegeko Nshinga hashyirwa ku rutonde abarimo Minisitiri w’Intebe Amadou Ba, washyizweho na Perezida Macky Sall nk’umusimbura we nyuma yuko Sall atangaje muri Nyakanga ko ataziyamamariza manda ya gatatu.

France 24 yatangaje ko mu bandi bashyizwe ku rutonde bahoze ari abayobozi harimo Idrissa Seck wahoze ari Minisitiri w’intebe, Mahammed Boun Abdallah Dionne, wahoze ari umuyobozi w’umujyi wa Dakar Khalifa Sall, Bassirou Diomaye Diakhar Faye, bivugwa ko ari we wasimbuye Sonko ndetse n’abandi.

Sonko utavuga rumwe n’ubutegetsi, yaje ku mwanya wa gatatu mu matora ya Perezida ya 2019, yakunze guhangana na Leta bimuviramo no gufungwa.

Inama y’Itegeko Nshinga yanze kandidatire ya Sonko kubera igihano yakatiwe n’Urukiko rw’ikirenga ku ya 4 Mutarama cy’amezi atandatu azira gusebanya.

Sonko kandi yakatiwe muri Kamena 2023, igifungo cy’imyaka ibiri azira ruswa guhamagarira kwigomeka, no guhungabanya umutekano w’igihugu.

Yahakanye ibyo byaha byose aregwa, avuga ko bigamije kumubuza kwiyamamaza mu matora y’Umukuru w’Igihugu yo muri Gashyantare.

Ni ku nshuro ya mbere Senegal iteguye amatora ya perezida arimo abakandida benshi.

Sall yatorewe kuba Perezida wa Senegal mu 2012, yongera gutorwa mu 2019, nyuma aza gutangaza ko atazongera kwiyamamaza ku mwanya wa Perezida.

  • KAMALIZA AGNES
  • Mutarama 22, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE