Senegal: Ousmane Sonko yafunguwe anasabirwa gusubizwa ku rutonde rw’abazatorwa

  • KAMALIZA AGNES
  • Ukuboza 14, 2023
  • Hashize amezi 3
Image

Kuri uyu wa Kane tariki 14 Ukuboza umucamanza w’Urukiko rw’Ikirenga rwa Senegal yategetse ko umuyobozi w’abatavuga rumwe n’ubutegetsi Ousmane Sonko wari ufunzwe asubizwa ku rutonde rw’abakandida bahatanira umwanya wa Perezida mu matora ateganyijwe umwaka utaha.

Sonko yakuwe ku rutonde rw’abahatanira umwanya wa Perezida muri Senegal nyuma yo gukatirwa n’urukiko muri Kamena, igifungo cy’imyaka ibiri azira gushaka guhohotera umusore ukiri muto amusaba ruswa.

Mu gutegeka ko Sonko asubizwa mu kazi, umucamanza mu murwa mukuru Dakar yemeje icyemezo cyo mu Kwakira cy’urukiko rwa Ziguinchor, umujyi uherereye mu majyepfo, aho Sonko yari umuyobozi.

Mu kwezi gushize, Urukiko Rukuru rw’Afurika y’iburengerazuba rwamaganye icyo cyemezo rwemeza ko urubanza rwa Sonko rugomba gusubira mu rukiko rwa Dakar.

Umwe mu bamwunganira, Cire Cledor Ly, yavuze ko Leta ishobora kujuririra icyemezo cy’Urukiko rw’Ikirenga ariko bitahagarika icyemezo cyo kuri uyu Kane.

Ku ya 1 Kamena, Sonko w’imyaka 49 yahamijwe icyaha adahari kubera icyaha cya ruswa yashinjwaga maze akatirwa imyaka ibiri y’igifungo.

Ariko we yamaganye uwo mugambi awufata nko gushaka kumukura ku rutonde rw’abakandida mu matora ya Perezida ateganyijwe umwaka utaha.

Mu mpera za Nyakanga, yatawe muri yombi ashinjwa ibindi byaha birimo guteza imvururu, gufatanya n’umutwe w’iterabwoba no guhungabanya umutekano w’igihugu.

  • KAMALIZA AGNES
  • Ukuboza 14, 2023
  • Hashize amezi 3
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE