Rwanda Day11: I Washington izitabirwa n’abasaga 5000

  • NYIRANEZA JUDITH
  • Mutarama 27, 2024
  • Hashize ukwezi 1
Image

Abanyarwanda n’inshuti z’u Rwanda bagera ku 5000 ni bo biteganyijwe ko bazitabira ‘Rwanda Day’ igiye kuba ku nshuro ya 11 i Washington D.C muri Leta Zunze Ubumwe za Amerika.

Perezida wa Repubulika y’u RTwanda Paul Kagame azaganira n’Abanyarwanda baba mu mahanga ku buryo bakomeza kugira uruhare mu iterambere ry’igihugu cyabo, u Rwanda.

Hanateganyijwe inama y’Ihuriro ry’Ubucuruzi igamije kuzamura ubucuruzi no kureshya abashoramari kuba bakorana n’u Rwanda nk’ahantu hagaragara amahirwe yo gushiora imari, hazasurwa abatanga serivisi mu nzego za Leta y’u Rwanda n’urw’abikorera.

Ibikorerwa mu Rwanda na byo kandi hazabaho gahunda yo kubimenyekanisha no kubimurika i Washington D.C hanagaragazwe amahirwe y’akazi ari mu Rwanda.

Rwanda Day ku nshuro ya 11, izabera ahitwa Gaylord National Resort and Convention Center kuva tariki ya 2 kugeza ku ya 3 Gashyantare 2024.

Rwanda Day yatangiye kuba mu mwaka wa 2010. Imwe mu mijyi yabereyemo harimo Londres mu Bwongereza, i Paris mu Bufaransa, , Toronto muri Canada, Born mu Budage, Dallas, Chicago, Boston n’ahandi

Rwanda Day iheruka yabereye i Bonn mu Budage mu Ukwakira 2019, ihuriza hamwe Abanyarwanda n’inshuti z’u Rwanda barenga 3500.

Rwanda Day ntabwo yabaye mu 2020, 2021, 2022 na 2023 kubera  n’icyorezo cya Covid-19.

Ihuriro ry’uyu mwaka rizasozwa n’igitaramo cy’abahanzi b’Abanyarwanda barimo Bruce Melodie, Teta Diana na The Ben.

  • NYIRANEZA JUDITH
  • Mutarama 27, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE