Rutikanga Ferdinand watangije iteramakofe mu Rwanda yitabye Imana

  • Imvaho Nshya
  • Nyakanga 12, 2022
  • Hashize imyaka 2
Image

Inkuru y’inshamugongo y’urupfu rwa Ferdinand Rutikanga yamenyekanye mu ijoro ryo kuri uyu wa Mbere aho bivugwa ko yazize uburwayi, umugore we akaba ari we wemeje ko umugabo we yashizemo umwuka amaze kunywa imiti.

Bivugwa ko Ferdinand Rutikanga wamamaye cyane nyuma yo kuba ari we watangije umukino w’iteramakofe mu Rwanda yitabye Imana saa tatu z’ijoro ryo ku wa 11 Nyakanga 2022.

Rutikanga yanamenyekanye mu kiganiro cya Radio Rwanda kubera uburyo yakundaga kubaza, agatanga ibitekerezo, ndetse rimwe na rimwe agasusurutsa abateze amatwi iyo radiyo binyuze mu rwenya yahoranaga.

Inkuru ye ni yo yazindutse icicikana guhera ahagana saa kumi z’igitondo, benshi bakaba bashenguwe n’uburyo uyu mukambwe atabarutse agikunzwe.

Bivugwa ko yari amaze igihe arwaye indwara zitandukanye zirimo umuvuduko w’amaraso, impyiko na kanseri yo mu maraso, akaba yaguye iwe nyuma umubiri we ukajyanwa mu Bitaro bya Masaka.

  • Imvaho Nshya
  • Nyakanga 12, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE