REG BBC yasinyishije Jean Jacques Boissy

REG BBC yasinyishije Umunya Sénégal Jean Jacques Boissy uheruka kuba umukinnyi mwiza muri Shampiyona y’u Burundi amasezerano y’umwaka umwe.

Ni inshuro ya kabiri aje gukinira mu Rwanda bwa mbere Boissy yakiniye Patriots BBC ariko ntiyahatinda.

Kuri iyi inshuro n’umwe mu bakinnyi bakomeye muri shampiyona ndetse banitezwe kuko mu mwaka ushize yabaye umukinnyi mwiza wa Shampiyona y’u Burundi, ubwo yakinaga mu Urunani BBC.

Jean Jacques Boissy ni izina rizwi cyane muri Basketball Africa League (BAL), aho mu 2023 yafashije AS Douanes y’iwabo kugera ku mukino wa nyuma.

REG BBC izatangira Shampiyona yakira Orion BBC ku wa Gatanu, tariki ya 24 Mutarama 2025 saa moya muri Kepler College.