RDC: SADC irashinjwa gukoresha ibitwaro biremereye ahari abasivili

  • NTAWITONDA JEAN CLAUDE
  • Gashyantare 4, 2024
  • Hashize amezi 4
Image

Umutwe w’inyeshyamba wa M23 wamaganye ubwicanyi bukomeje gukorerwa abasivili biganjemo abana, abagore n’abasaza mu bice bitandukanye byo mu burasirazuba bwa Repubulika Iharanira Demokarasi ya Congo (RDC) kubera ibisasu biremereye birimo kubaterwaho n’Ingabo z’Umuryango w’Ubukungu w’Afurika y’Amajyepfo (SADC).

Ubuyobozi bwa M23 bwemeza ko itwaro ziremereye ziriko gukoreshwa ku basivili ari MRLS (BM) 122 mm zizwi nka ‘Saba Saba’, zikaba ari imodoka zakoreshwaga n’Abasoviyeti zoherereza ibisasu byinshi icyarimwe.

Izo ntwaro zatangiye gukoreshwa mu myaka ya 1960, zikaba zifashishwa mu kurasa ahantu hari umwanzi mu rwego rwo kumurangiza atabonye umwanya wo gusubiza.

Ibisasu by’izo ntwaro bishobora koherezwa mu bilometero 20 uvuye ahahagaritswe imodoka.

Muri urwo rugamba Guverinoma ya Repubulika Iharanira Demokarasi ya Congo (RDC) ifatanyijemo n’Ingabo z’u Burundi, inyeshyamba zitandukanye n’abacanshuro, hitabajwe izo ntwaro zirimo kumisha ibyo bisasu ahatuye abaturage b’abasivili.  

Ubuyobozi bwa M23 bwemeje ko by’umwihariko Ingabo zoherejwe na SADC zikomeje ibyo bisasu bya rutura bizwi nka MRLS (BM) 122 mm mu bice birimo abasivili.

Butangaza kandi ko izo ntwaro zirimo gukoreshwa by’umwihariko n’Ingabo zoherejwe na Tanzania muri ubwo butumwa, zikaba zibasiye i Masisi, by’umwihariko mu duce twa Mweso na Karuba.

Ubuyobozi bwa M23 bwatangaje ko nta yandi mahitamo bufite uretse ayo gufata izo ntwaro n’abazikoresha mu rwego rwo gukumira ko zakomeza gutwara ubuzima bw’abasivili mu maherere.

bivugwa ko M23 yamaze kwerekeza mu hafi ya Goma nyuma yo kwigarurira agace ka Shasha muri teritwari ya Masisi, gaherereye mu bilometero 33 uvuye mu

Kugeza ku wa Gatandatu tariki ya 3 Gashyantare, inyeshyamba za M23 ziragenzura ibice birimo Kirotshe, Shasha, Kihindo, Kituva, Bukobati, na Nyamubingwa.

Nanone kandin izo nyeshyamba zinavugwaho kuba ari zo zicungira umutekano umuhanda uhuza Intara ya Kivu y’Amajyaruguru n’iya Kivu y’Amajyepfo

  • NTAWITONDA JEAN CLAUDE
  • Gashyantare 4, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE