RDC: Amatora yaranzwe n’umutekano muke n’ibikoresho bidahagije

  • NTAWITONDA JEAN CLAUDE
  • Ukuboza 20, 2023
  • Hashize amezi 5
Image

Kuri uyu wa Gatatu tariki ya 20 Ukuboza 2023, amatora yatangiye mu bice bitandukanye bya Repubulika Iharanira Demokarasi ya Congo (RDC), mu gihe hagaragaye ikibazo cy’ibura ry’ibikoresho by’itora n’imbogamizi zijyanye n’umutekano muke mu Buraairazuba bw’Igihugu.

Ibitangazamakuru bitandukanye byatangaje ko hari impungenge zikomeye z’uko ayo matora atabaye mu mucyo, ndetse ko habayeho kwiba amajwi, guhohotera abitabiriye gutora byiyongereye kuba n’ibikoresho ubwabyo bitari bihagije.

Uretse i Goma, binavugwa ko n’abazindukoiye mu matora i Kinshasa mu Murwa Mukuru wa RDC, batangiye batinze kuri site z’itora sitandukanye, kimwe no mu yindi mijyi, amasaha arenga abiri n’igice yose akaba yashize abaturage bumiye ku biro by’itora.

Byari biteganyijwe ko amatora yitabirwa n’abarenga miliyoni 44 ariko abenshi barimo n’abakuwe mu byabo n’umutekano muke ntibabashije gutora. Intambara mu Burasirazuba bwa RDC zabujije abasaga miliyoni 1.5 kwiyandikisha mu bazatora.

Kandida Perezida Felix Antoine Tshisekedi Tshilombo, urimo guhatanira kuyobora iki gihugu muri manda ya kabiri, ahanganye n’abandi bakandida 18.

Kubera akajagari kabonetse mu matora aho ibikoresho bitagereye ku biro by’itora ku gihe ndetse na lisiti y’itora ikaba itamanitswe, haravugwa urunturuntu rw’uko amajwi ashobora kuba yibwe bikomeye.

Kandida Perezida Martin Fayulu, yagize ati: “Byari akavuyo gusa”. Yakomeje avuga ko mu gihe aho yatoreye mu gace ka Gombe i Kinshasa byari bimeze neza, ahandi hose byari akajagari gusa.

Yagize ati: “Niba abaturage kuri site zose z’amatora zateguwe na Komisiyo y’Igihugu y’Amatora batatoye neza, ntabwo tuzemera ibyavuye muri aya matora.”

Mu majyaruguru y’iburasirazuba bw’Umujyi wa Bunia, bivugwa ko hari abantu bazindutse bahunga imirwano ntibabasha kubona uko bagaruka ngo batore, kuko hari abaje guteza akaduruvayo ahashyizwe ibiro by’itora.

Byabaye mbere y’uko Polisi yahageze ikongera gusubiza ibintu ku murongo, ariko ntibyakuyeho ko n’aho agahenge kabyukiye na bo bari bumiye ku mirongo batazi aho ibintu birimo gupfira ngo batangire gutora.

Abaturage bamwe na bamwe batoye bigoranye
  • NTAWITONDA JEAN CLAUDE
  • Ukuboza 20, 2023
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE