RDC: Abantu 18 baguye mu mpanuka ikomeye y’ikamyo

  • ZIGAMA THEONESTE
  • Mutarama 22, 2024
  • Hashize amezi 4
Image

Mu majyepfo y’Uburengerazuba bw’Igihugu cya Repubulika Iharanira Demokarasi ya Congo kuri iki cyumweru tariki ya 21 Mutarama 2024 habereye impanuka y’ikamyo yahitanye abantu 18.

Kuri uyu wa Mbere tariki ya 22 Mutarama 2022, Polisi yo mu gihugu cya Repubulika Iharanira Demokarasi ya Congo yatangaje ko ikamyo yagenderaga ku muvuduko mwinshi, yabuze uko ihagarara maze igwa mu kibaya kiri mu majyepfo y’Iburengerazuba bw’igihugu ihitana abantu 18 bari bayirimo abandi barenga 10 barakomereka.

Banza Benjamin, Umuyobozi wa Polisi mu gace ibyo byabereyemo ka Kasangulu, yagize ati: “Yari yuzuyemo ibicuruzwa kandi itwaye n’abagenzi benshi”.

Yunzemo ati: “Imirambo yakuwe mu kibaya yajyanywe mu buruhukiro bw’ibitaro bikuru bya Kasangulu, mu gihe abakomeretse barimo batandatu bakomeretse bikomeye na 15 bakomeretse byoroheje barimo kwitabwaho n’abaganga, muri ibyo bitaro”.

Ni ikamyo yangiritse cyane kandi ikaba itarakurwa aho yakoreye impanuka nk’uko Banza yabisobanuye.

Umuvuduko ukabije ni kimwe mu bikomeje gutera impanuka z’ibinyabiziga mu mihanda ya Congo, aho usanga n’ubwo amategeko y’umuhanga yashyizweho atubahirizwa.

Iyo mpanuka yabaye kuri iki cyumweru, yongereye ubwoba n’impungenge mu baturage bari basanzwe bafite imihanda yangiritse muri Congo by’umwihariko mu gihugu, mu gihe inzego z’ubuyobozi zizeza ko zitazakomeza kwigisha abashoferi kwigengesera mu muhanda ndetse no kubahira amategeko awugenga, mu rwego rwo kwirinda impanuka.

  • ZIGAMA THEONESTE
  • Mutarama 22, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE