RDC: Abagororwa 55 batorotse Gereza bamaze gusindisha abayicunga

  • NTAWITONDA JEAN CLAUDE
  • Mutarama 16, 2024
  • Hashize amezi 2
Image

Abagororwa barenga 55 bari bafungiwe muri Gereza Nkuru ya Walungu muri Repubulika Iharanira Demokarasi ya Congo (RDC) batorotse nyuma yo gusinziriza abayirindaga.

Ni amakuru yatangajwe na Sosiyete Sivili yo muri Walungu, ishimangira ko byabaye mu ijoro ryo kuri uyu wa 12 rishyira iya 13 Mutarama 2024.

Bakoresheje uburyo bwo kubanza kuroga no gusindisha abapolisi barindaga gereza, bagasinzira ubundi batangira gusohoka muri gereza barigendera.

Uku gutoroka kwateye ubwoba bwinshi abaturage mu gace ka Walungu, kubera ko aba bafungwa bari bakurikanyweho ibyaha bikomeye birimo n’ubugizi bwa nabi.

Abaturage ba Walungu basabye inzego z’umutegakano gukora ibishoboka byose aba batorotse ngo bongere basubizwe muri gereza kuko bitewe impungege n’uko bashobora kubagirira nabi.

Radio Okapi yatangaje ko Sosiyete Sivile yo muri Walungu yahamije ko muri Gereza hasigaye abanyantege nkeya gusa biganjemo abageze mu za bukuru  n’abagore batabonye uburyo bwo kwiruka ngo batoroke.

Umuyobozi Ziganira Christian, Perezida wa Sosiyete Sivile ya Walungu yagize ati: “Abasaza n’abagore bagowe no gutoroka ni bo basigaye, kubera ko bazahajwe n’iyicarubozo bakorerwa muri iyo gereza ya Walungu. Aha rero muri Walungu, abahatuye bafite ubwoba bwinshi kubera ko benshi mu batorotse bari mu bashinjwa gukora ubwicanyi, ubusahuzi, n’ubujura bwitwaje intwaro.

Ni yo mpamvu abaturage bafite ubwoba bwinshi bakaba basaba ubuyobozi guhiga bukware aba batorotse bagasubizwa muri gereza kuko aba batorotse bashobora gushyira mu kaga abaturage”.

  • NTAWITONDA JEAN CLAUDE
  • Mutarama 16, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE