Ikipe ya Rayon Sports yatangaje ko yatandukanye n’Umunya-Tunisia Mohammed Chelly nyuma y’amezi ane ayikinira.
Kuri uyu wa Kabiri, tariki ya 19 Ugushyingo 2025, ni bwo iyo kipe yatangaje ko yatandukanye n’uyu mukinnyi ukina hagati asatira, ivuga ko byabaye ku bwumvikane busesuye ku mpande zombi.
Chelly atandukanye na Rayon Sports nyuma yo kumara igihe adakina kubera imvune hakiyongeraho kuba umutoza Afahmia Lotfi wagize urahare kugira ngo akinire iyo kipe aherutse kwirukanwa nyuma yo kumara ukwezi ahagaritswe kubera umusaruro muke.
Amakuru avuga ko kugira ngo impande zombi zemere gutandukana , Rayon Sports yishyuye uyu mukinnyi amezi atatu y’imishahara.
Iyo kipe kandi yishyuye Azouz Lotfi wari umutoza wungirije amezi abiri na we batandukana neza.
Gikundiro iri gutozwa na Haruna Ferouz by’agateganyo, ikaba iri kwitegura AS Kigali mu mukino w’umunsi wa Munani wa Shampiyona y’u Rwanda uteganyijwe ku Cyumweru, tariki ya 23 Ugushyingo 2025 saa Cyenda kuri Kigali Pele Stadium.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE