RAB yakomoje ku migendekere myiza y’igihembwe cya 2024 B

  • KAYITARE JEAN PAUL
  • Werurwe 4, 2024
  • Hashize ukwezi 1
Image

Ikigo cy’Igihugu cy’Iterambere ry’Ubuhinzi n’Ubworozi (RAB) cyatangaje ko muri uku kwezi kwa Werurwe umuhinzi asabwa kwihutisha isarura kugira ngo igihembwe cya 2024 B kizamugendekere neza.

Ni ubutumwa RAB yatanze kuri uyu wa Mbere tariki 04 Werurwe 2024, ibinyujije ku rubuga rwa X rwahoze ari urwa Twitter

Ubuyobozi bwa RAB bwasabye abahinzi kwihutisha isarura aho batararisoza, gukomeza kwiyandikisha no kugana abacuruzi b’inyongeramusaruro kugira ngo bagure imbuto n’ifumbire binyuze muri gahunda ya Smart Nkunganire.

Bukomeza bugira buti: “Turabasaba gusoza itegurwa ry’imirima no gutera, gukomeza gufata amazi y’imvura, gusibura imigende n’imiyoboro y’amazi, gutangira ku gihe amakuru ayo ariyo yose yabangamira ishyirwa mu bikorwa ry’igihemwe cy’ihinga ku buyobozi bwegereye umuturage.”

Ikigo Meteo-Rwanda kivuga ko mu gice cya mbere cy’umwaka wa 2024, ibice bimwe by’Iburengerazuba n’Amajyepfo by’Igihugu bizagwamo imvura nyinshi, mu gihe ahandi hazaboneka isanzwe.

Abahinzi baburirwa ko hateganyijwe imvura iri hagati ya milimetero 10 na 120, izagwa mu bice bitandukanye by’Igihugu.

Ivuga ko izaba iri hejuru y’ikigero cy’impuzandengo y’imvura isanzwe igwa mu bice byinshi by’Intara y’Iburengerazuba n’iy’Amajyepfo.

Ahenshi mu Mujyi wa Kigali, mu Ntara y’Iburasirazuba n’iy’Amajyaruguru ni ho hateganyijwe imvura iri ku kigero cy’isanzwe ihagwa.

  • KAYITARE JEAN PAUL
  • Werurwe 4, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE